Ikki Danab 10:16 - Nobonob Baibel

¹⁶ Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.

Ikki Danab 10:16 ပူးပေါင်းရင်းမြစ်များ

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.

Hibru 3:10

Amu diig amunu da danab amu dilagnu ool nauhe inam ami. ‘Danab ah imu ag haen oh dahil ib apiɗidna oitteb. Ag dahil kobol ii doyadppig, gemu ele ii doyadtteb.’

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Luk 15:20

Aria nug anam ana, nug aha ukkom, amge nug ugakka, uma uppa piɗe uɗieye, mameg nug antta, nuhignu oo bodoetta le mak doya aut autanab awa, qaiqaɗ ukka bekka aɗa ootuqittom.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

2 Stori 33:15

Amu Manase nug anam ha, nug laa dilag kayak hambuppuak dottolkad, dottog nug hoiyom ele Yawenu mettid lagppanu diia, nug Kayak hambuppuak dilag qaɗab qauko nakok Yawenu mettid lag daatteppa nug buuattom, aria qaɗab amubia laa oh Jerusalem appa buuattom ele, nug amu oh lopaɗatta, buɗiatte, aab okkai dimittim goppig.

2 Stori 15:8

Odet bekka Asaria, nug propet, nug Asa amegppa anam a, haen Asa nug nuhig nai doya, nug ooppa ɠagattag qetta, nug kayak hambuppuak dottolkad, Yawe Nug amunu ooppa uuaknab dootte amu, nug dottolkad amu Juda wan ohppanu, Benyamin wan ohppanu, aab laala Epraim wanppa, qauko nakok daattebppa banppa awom amu, nug appanu ele diia, he nauhppig. Nug anam ha, nug Yawenu qaɗab, Yawenu mettid lag odppa ukkaknu oo laa, veranda bia odppa daatte ele babaittom

2 Stori 7:14

haen amuppa danab ah dahilad, da onil ahilagppa daatte amu, danab ah amu ag onilag qeppeg neeb, ag unuqiɗnana, ag da aniɗna dim lamiɗna mattiɗkkulag dayeb, ag ahilag nau hak dimettan, ii hekkulag dayeb amu, ahilag hak amu dimppa da hab aabppa dayeye, ahilag unuqittak doyen, da hipunin ahilag uhuqe matten, da heppi, ahilag wan am eɗua ena daakku.

Josua 24:23

Aakku Josua aum. “Aria, laa dilag kayak hambuppuak ag oolagppa daatteb amu, ag loppaɗna, ag oolag oh kunum ele, Yawe, Israelnu Kayak, metteg!” awa aum.

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

Jon 11:34

Anam haaha amu Nug aum. “Ag adeppa meppig?” awa aum. A amu ag appig, “Naɗi na uɗin antte!” aon appig.

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.

1 Samuel 12:10

Kekeɗ ag Israel anam eɗatteg, Israel ag Yawe amegppa, ‘Ig na dim metat, ig kayak hambuppuak Bal, Astoret ele iɗu iɗu waalagppa daata, oɗelag dim lamidmut. Ig amu hemut amunu, ig hipunin hemut. Amge na ehanigna, kekeɗ ihinig eppelagppanu awigppe, ig naib waatppa daat, na oɗen dim lamidkkunig. Ig nahip kobolib hekkunig,’ aon appig.

Sam 73:21

Haen da oolppa guittak doyeye, da ool unuqagppa ninig ele doyen,

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.

1 Samuel 7:4

Samuel nug anam a, Israel danab ah ag nai amu doon, ag ahilag kayak hambuppuak Bal, Astoret ele digdig noolkadppa dup noa binag mak hekkulagnu uun, ag Yawe, Nugib waappa daan, Nug oɗeib dim lamidppig.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.