Ikki Danab 1:34 - Nobonob Baibel

³⁴ Am Israel dilag huu okkai Dan amu, Amo danab ah ag Dan danab ah ag uɗem naɗippa nena daaglagnu uun, nemananu wagai mena heppig amunu, Dan danab ah ag wan qauko qauko eleppa daappig.

Ikki Danab 1:34 ပူးပေါင်းရင်းမြစ်များ

Josua 19:47

Ag wan amu oh Israel dilag huu okkai Dan madappig, amge Dan danab ag Kanan eɗattaknu nakok uug ele amunu, ag ukkaeg, Lesem aab amu ele ban heppig. Ag eɗadna aona, danab appanu aqaeg iitta meeg, appa aben aoppig. Ag aab amu, ag alalag onig Dan ataɗppig.

Ikki Danab 1:33

Israel dilag huu okkai Naptali ele ag Kanan danab Betsemes, Betanat ele appa daappig amu ii lamatteg, Kanan danab amu ag ahilag wan ii uun oolna goppig. Naptali danab ah ag Kanan danab ah amu oolagppa daappig, amge danab ah Naptalinu ag Betsemes, Betanat danab ah ele duttunadna heeg, ag ahilag uɗat heppig.

Ikki Danab 1:35

Anam amu, Amo danab ag ele qauko Heres, aab Aiyalon, amu Salbim daaglagnu dabmak aoeg ɠagattag eppe heppig, amge haen Josep buɗub ag ɠagattag bena, ag Amo danab ah amu ele duttunadna heeg, ag ahilag uɗat heppig.

Ikki Danab 18:1

Haen amuppa Israel danab ah ag ahilag king laa iitta. Amu Israel dilag huu okkai Dan, amuppan laala ag Josua laikkud ele ag wan Dan buɗub daakkunu panin madappigppa daaglagnu, ag aulag dayeb, bekkalkad aɗi mattaglagnu aben ii anidppig amunu, ag wan adekku aon daaglagnu, ag amu mattin daappig.