Ikki Danab 1:16 - Nobonob Baibel

¹⁶ Am Ken danab ah ag am Moses tana, nug buɗub. Amu haen Israel dilag huu okkai Juda ag Jeriko uun ahaeg amu, Ken danab ag ele ahaeg gona, Judanu atu taɗakppa wappig. Ag Negeb appa, Arat aab guguittak, Juda danab appa wan aon daappig amu, ag ag oolagppa nona daappig.

Ikki Danab 1:16 ပူးပေါင်းရင်းမြစ်များ

Ikki Danab 4:11

Amge tatam amu, Ken danab onig Heber, nug Ken buɗub laa, ag Moses wau appinag Hobap buɗub, nug ag oolagppanu laa amu, nug aha, laih ukka, nug Sananimnu ad ok diigppa peh lag nuhig qappom. Amuam Kedes guguittak.

1 Samuel 15:6

Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.

Duteronomi 34:3

Nug Negeb, amu Jodan oolnu noak ele ippunittom. Jeriko amu Jodan oolnu noakppa daatte. Aab amunu amu, ag Pamnu Aab atteb. Nug wan amu oh ukka, Soar batak ippunittom.

Namba 21:1

Amu haen Kanan ted laa, Arat dilag king, nug am Negeb appa daattom, nug Israel ag ib man Atarim gotte uɗitteb doya amu, nug banelag ukka, laala aɗualattom.

Ikki Danab 3:13

Amu bekkunu amu, Moap dilag king Eklon nug Amon dilag okkai, Amalek dilag okkai ele, ag nug ehanidkkulagnu oɗ matte, ag oolag laippu dayom amunu, Eklon, nuhikkud daup, ag ele ag aakku Israel banelag gona, ban hena, Jeriko aoppig.

Ikki Danab 4:17

Amu Barak nug nuhig daup ele ag Siseranu ban danab aqaegeg amu, Sisera nug oola ukka, Ken danab Heber wau Jaelnu pehppa noum. Aɗinu? Heber baekkudppa ag amu Hasornu King Jabin ele, ag oolagppa maɗoɗ dayom amunu, Sisera nug oola, appa ukkom.

Jeremaia 35:2

“Na ahan gona, na Rekap buɗub ag Yawenu mettid lag, amuppa heqo laih oo laala daatteb, ag appa oo laappa na ele qagmena daaglagnu oɗ madakkut. Na amu heppe uɗippeg, na wain laa ag lakkulagnu matte!” awa aum.

2 Stori 28:16

Amu dimppa amu, Edom dilag daup ag ahan, Juda banelag uɗin, Juda ele ban hena eɗadna, ag danab ah laa aɗualadna, diin ukkaeg, laih daappig. Haen amuib Pilistia dilag daup ag ele ahan, Juda wan ooppa qauko nakok qaban uɗitteppanu daatteb amu, ag appa, am Negeb ele aab laalappa gona, ban hena, eɗadna, ag aab amu aon daappig. Aab ag aoppig am Betsemes, Aiyalon, Gederot, Soko, Timna, Gimso ele. Ag aab amu eɗadna diiadna, ag aab naunau aab Soko, Timna, Gimso ele taliliattak daappig ele aoppig. Edom, Pilistia ele ag amu heeg, King Ahas nug Asiria dilag king nug uɗia, ehanidkkunu nai me ukkom.

1 Stori 2:15

Radai dimugppan am Osem. Osem dimugppan am Dawit.

Josua 12:14

Horma dilag king, amu Arat dilag king ele.

Eksodas 18:27

Anam dimppa amu, Moses tana nug eɗua, laugppa gokkunu he, Moses nug, “Am ena, am nai iitta,” a, Jetro nug eɗua, nuhig wanppa, nug laugppa ukkom.

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 18:7

Nug nai anam me ukke, Moses nug ag uɗittebnu nai doya, nug aha ukka, ibppa Jetro uɗa tekkunu ukkom. Nug ukka, Jetro aɗi uɗalag ta, Moses nug tana noobppa gomela, dimppa nug ootuqitte, aa oh attem daapiɗnu mattioya, dimppa amu, aa oh Moses he, sel lag ooppa nopiɗ.

Eksodas 18:1

Amu Jetro, Midian dilag mana mettak danab, Moses tana amu, Nug keeke oh Yawe Nug Moses Israel ele ehanattatta he, ag Isip uun uɗiegeg, amu Kayak ehanittak laala ele ag mattom amu, Jetro nug amu ohnu nai doyom.

Eksodas 4:18

Yawe Nug Moses amegppa nai amu mattia male, Moses nug eɗua, tana Jetro gumitta ukka, amegppa aum. “Na uuiɗppe, da eɗue Isip ukken, da lailad anadkkulnu ool daatte. Ag ana daattebtai, o ag mauhppigtai amu, da dookkul,” awa aum. Jetro nug amunu ena doya, nug Moses amegppa aum. “Amu elele, na maɗoɗ ele ukke!” awa aum.

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Matyu 3:1

Jesus Nug Nasaret dayeye, Layattak Jon nug aha, Juda wanppa atu taɗakppa ukka, nug danab amelagppa nai mehuqom.

Ikki Danab 1:15

Kalep nug anam oɗ metta a amu, nug aum. “Na keeke enanag laa ele meɗakkutnu ool daatte. Na Negeb appa wan meɗame amunu, na gemu dahilnu ii helom bia me, na ehaniɗna autna aona, na lenag ena ele meɗakutnu unuqidttem,” awa oɗ metta unuqittom. Nug anam hedakkunu unuqittom amunu, Kalep nug le qeppuɗia bak attan, honap ele oh mettom.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Josua 18:21

Josua, nuhig ehanittak ele ag Israel dilag huu okkai Benyamin baelkadppa aab madappig. Aab okkai amuam, Jeriko, Bethokla, Emek Kesis,

1 Stori 2:55

amu aab ikki laa ag yaak danab daan, Jabes appa daappig ele. Nai yaak danab amu ag am Tirat danab, Simeat danab, am Sukat danab ele. Aab ikki amu oh memetalag anukkanu am Ken danab onig Hamat. Hamat nug am Rekap danab ele memetalag.