Ikki Danab 1:12 - Nobonob Baibel

¹² Haen amuppa amu, Kalep nug aum. “Danab aun nug banelag ha, Kiriat Seper eɗadkku amu, da nug geha da aɗel Aksa medappi, nug wau daakku,” awa aum.

Ikki Danab 1:12 ပူးပေါင်းရင်းမြစ်များ

Sam 60:9

⌊Amge da Dawit, dahilnu amu,⌋ aun nug da ehaniɗeb ⌊Edom appa⌋ aab okkai ɠagattag aɗ ele amu aokkul? Ao, aun nug heeb, da Edom eɗidkkul?

Jeremaia 29:6

Ag amu henan, danab ah ag ewau matulak aonna, ag nid danab, nid ah ele menunna, ag bekkalkad, aɗelkad amu, ag ele nid danab nid ah menuadkkulagnu, ag bekkalkad, aɗelkad dilag danab ah ele mattin anadppeg, ag ewau matulak aweg! Ag kuɗum appatna oiyeg! Agib anam daan, mauhadna laib laib anamib aib daappig.

Josua 15:15

Ag lamatta eɗattowa, appanu Kalep nug danab ag Debir appa daappig, ag banelag ukkom. Anukka danab ag Debirnu, Kiriat Seper adappig.

Ikki Danab 1:11

Ag eɗattona, appanu ag danab Debir appa daappig, ag banelag goppig. Anukka danab ag Debirnu, Kiriat Seper adappig.

Ikki Danab 1:13

Kalep nug anam aum amu, nug amag Kenas bekka Otniel nug aab amu eɗittom amunu, Kalep nug, nug aɗeg Aksa, Otniel wau daakkunu aakku nug mettom.

1 Samuel 17:25

Amu ag akka ag nai mattin inam appig. “Danab umu antteg! Nug haen oh uɗia, guhig ahaknu nai ig Israel, ihinignu ette. King Saul nug danab laa nug nob, Pilistia danab amu ele ban heya, qeeb mauhkku ele amu, Saul nug danab amu en okkainab mettowa, amu nug aɗeg danab amu wau daakkunu ele danab amu medakkunu nai qakka ana, nug geha ɗo laa meeb, danab amu nug Pilistia danab amu qeeb mauhkku amu, nug mameg baekkudppa amu, ag am Israel wanppa takis ewaknu ii dabmemananu ele atte.” Israel ban danab ag nai amu madippig.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.