Ikki Danab 1:1 - Nobonob Baibel

¹ Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

Ikki Danab 1:1 ပူးပေါင်းရင်းမြစ်များ

1 King 22:5

Jehosapat nug Israel dilag king amegppa anam aum, amge nug ele aum. “Amge tatam na Yawe, Nug amunu aɗi attenu oɗ mette!” awa aum.

Eksodas 18:15

Jetro nug anam a, Moses nug amegppa aum. “Danab ah ag Kayaknu dabmak awak attem daatte appi dooglagnu, da gumiɗna uɗitteb amunu, diig amunu, da imu hettem.

Eksodas 28:30

Amu na Urim, Tumim ele, Aron nug amuppa nug da, Yawe, nug dahil dabmak attem daatte, nug amu dootte ele amu, na keeke aɗit amu ele ahilah abenppa, momo tonaknu lamenppa daattep amu, na aguppa inatppe dayeɗ! Na anam hekkut amu, haen oh Aron nug da, Yawe, nug da gukkuiɗa uɗiebeb, men aɗit amu, aa nug momoppa, uttu taub nuhig guguittak, nug da, Yawe, dahil dabmak doya, dabmedakkunu aakku daaglah amunu, nug Israel dilagnu aɗi dabmak aokkunu daakku dayeb amu, nug aakku aokku.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Ikki Danab 1:27

Amu Israel dilag huu okkai Manase ag danab ah Betsan, Tanak, Dor, Ibleam, Megido, amu aab naunau aab amu taliliattak daappig ii lamatteg, Kanan danab amu ag ahilag wan ii uun oolna goppig. Kanan danab ag aguppa daaglagnu dabmak aoeg ɠagattag eppe heppig amunu, Manase danab ah ag ii lamadppig.

Ikki Danab 2:21

diig amunu da Kanan wanppa, Kanan danab ag ahilag wanppa daaegeg, ag Israel ag Josua bau dayeye, ii lamadppig ele amu, gemu ⌊ag Israel ag oolag ii eɗun oitteb ele, haen oh ag anam hekkulag amu,⌋ da heppi, ag kekeɗ amu ii lamadmana,” awa aum.

Ikki Danab 2:8

Aakku Nan bekka Josua, Yawenu maɗi nid, nug maɗ 110 ele daya, nug mauhom.

Ikki Danab 2:9

Ag nug Israel danab ah wan nug aug daakkunu medappig, amuppa boumppig. Wan amuam Timnat Sera, appa dayom. Timnat Sera am qauko Gasnu yawalti uɗitteppanu, Epraim wanppa, qauko qauko daatteppa dayom.

Ikki Danab 20:18

Amge ag ban ii heppig daanna amu, Israel ag Betel gona, Kayak oɗ mettan appig. “Israel dilag huu okkai atten nug banelag ukka, anuqa Benyamin danab ele ban hekkulag?” anan oɗ medappig. Ag anam Yawe oɗ mettaeg amu, Nug ag oɗelagppa awa aum. “Juda ag tatam anuqkkulag,” awa aum.

Ikki Danab 20:27

ag Yawe, ib ippunadkkunu oɗ medappig. Haen amuppa Kayaknu Tituanak Nainu Kunup kontrak inak ele amu, kunup amu Betel appa daye,

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.