Hosea 9:9 - Nobonob Baibel

⁹ Am dahilad danab ah ag kobol diig ena iitta uɗig wak ele anukka Gibea appa danab ah heppig bia hetteb. Kayak Nug nau hak ahilag ii daug atima. Nug genab, geha ahilag hipuninnu bu madakku.

Hosea 9:9 ပူးပေါင်းရင်းမြစ်များ

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Aisaia 31:6

Amu ag Israel danab ah ag Yawe dimettan autna aoppig, amge ag eɗun, nuhigppa uɗieg!

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Esekiel 21:28

Amu Yawe Nug nai tuɗitta aum. “Amu na, danab bekka, na dimppa aɗi bekkunu nai anan, na Naɗi Yawe Nug Amon danab ah, ahilag awa awa qettak nai naunabnu ele inam atte, na amunu inam a! ‘Qep elab laa daatte! Ge, qep laa daatte. Danab nug qep amu nuhig gaɗappanu eeɗa awa, nug eppegppa danab ah aqakkunu aakku daatte. Qep amuam danab ah ele eleleppanab aqakkunu babaitta malak daatte. Anam daatte, amu qep ⌊dahil⌋ am amemɗiag awaknu elelenab daya, amemɗi bia amemɗiag aotte.

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.

Hosea 5:8

Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg!

Hosea 7:2

Anam, amge Israel danab ah ag da neekkatte dayeye, ahilag eheɗ haknu oh dabmein daattem amu, ag amu ii dootteb. Ag haen oh hipunin heegeg tonadtteb; haen oh hipunin amu da noolppa dayeye, da anadttem.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Sepanaia 3:7

Amu da Jerusalem danab ah amelagppa ami. ‘⌊Ag uug digdig da laa dilagppa hemi anidppig amunu,⌋ gemu ag Jerusalem danab ah, ag dahilnu ebehilag oh bodoetta le mekkunu doottem. Ao, ⌊ag anidna,⌋ gemu ag daug batak nai dahil doon, dim lamidkkulag ⌊amunu, da baula bu madakkulnu ii hepa⌋ doottem,’ ami. Amge iitta. Jerusalem danab ah ag anam heppiglob amu, ahilag aab nauhkkunu ii daama. Ge, dahil bu oh ahilagppa taknu ii daama. Anam, amge ag tuɗidna hipunin hekkulagnu oolag huana dayom. Ao, ag buttua ukka tueb batak hewona, tueb ukka buttua aam bette batak amuib henan daappig,” awa atte.

Ikki Danab 19:12

Nug anam a amu, nuhig okkai, Lewi ted, nug aum. “Anam iitta. Ig aab okkai imuppa, wan laihnu danab ele ii daamta. Am Israel danab ah ag ippa ii daatteb. Ig tuɗidta, Gibea gokkunig,” awa aum.

Ikki Danab 19:16

Anam dayom, amge haen nakokib ukke, dimppa danab kaino laa nug nuhig dad okkai uɗatppanu laugppa uɗiom. Nug Epraim wanppa, qauko qauko daattebppan danab, amge nug ukka, Gibea, Benyamin danab ag appa daappig amu, nug appa dayom.

Ikki Danab 19:22

Ag daanna, gamag ahak doon, nug gamag aon heegeg amu, nau hak danab laa aab okkai amuppanu, ag lag eidna talilidna daanna, ag digmena od huanaknab qeqalnana, danab kaino, lag amu mameg, ag nug onigppa eppig. “Na danab uɗie, na ele daattep aon doppe, ig nug ele gappai aotu!” anana eppig.

Ikki Danab 20:43

Israel ag Benyamin danab, Gibeanu kaɗag uɗitteppanu, appa oo mattan, lamadppig.