Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hosea 9:7 - Nobonob Baibel

7 Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

အခန်းကိုကြည့်ပါ။ ကော်ပီ




Hosea 9:7
40 ပူးပေါင်းရင်းမြစ်များ  

Propet nug anam ana mala, qaiqaɗ ukke, Jehu nug eɗua laikkud ban daup ikki laala gumatta ukke, amu ag inam oɗ medappig. “Keeke eheɗ laa beumte? Keeke oh amu enaibtte daatte? Kaaka danab amu aɗinu uɗia na anittom?” aon oɗ medappig. Oɗ mettaeg amu, Jehu nug nai amu nob ma, inam aum. “Danab amunu amu, ag nuhig hak, amu nuhig mattiak ele ag aakku dootteb,” awa aum.


Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?


O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.


Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.


Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.


Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.


Da heppi, bu awak haen ahilagppa uug naunab Anatot danab dilagppa nekku amunu, ag padal mena, danab kobol nau amu hetteb oolagppa laippu laa ii daama, buɗulkad ele laippu laa iinab daama,’ awe attem.” Yawe Nug anam awa atte.


Juda ag am kayak hambuppuak huanaknab akkan, dahil wanppa meeg, wan amu dahil neekkakppa dubuttid tak ele daatte. Dottolkad amu, ag bau iitta, ag uɗig wak nau ele. Ao, ag heeg, kayak hambuppuak dottolkad dahil wanppa ambak daatteb. Dottolkad amunu amu, da oolppa uuaknab doottem. Juda danab ah ag anam hetteb amunu, da ahilag hak nau, ahilag hipunin ele, da diig amunu da bu elelenab madakkul.” Yawe Nug anam awa atte.


Am Yawe Nug atte. “Anukka, propet Samaria daappig amu, da ahilag hak laa antten, da oolppa uuaknab doomi. Hak ag heppig amu, ag kayak hambuppuak Bal onigppa propet nai mattinna, amuppa ag heeg, Israel danab ag ah ag ib tutukku apiɗidnana, eheɗppa goppig.


Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.


“Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.


Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.


Ag dokta nug danab beɗuppa guittak okkainab awom antta, hamu bia doya, itak nakoknabib qataqette, ag dahil danab ah dilagppa anam hetteb. Ag, ‘Ig maɗoɗib daagnig, ig maɗoɗib daagnig,’ anan daatteb, amge maɗoɗ laa ii daatte.


Ag dokta nug danab beɗuppa guittak okkainab awom antta, hamu bia doya, itak nakoknabib qataqette, ag dahil danab ah dilagppa anam hetteb. Ag, “Ig maɗoɗib daagnig, ig maɗoɗib daagnig,” anan daatteb, amge maɗoɗ laa ii daatte.


Ag Israel, ahilag propet ag tulegleg laala anidppig, amge tulegleg amuam hambuppuak; laa ehanidkkunu elele iitta. Ao, ag Juda danab ah ag hipunin henana, ag bu okkai aoglagnu aakku oippig, amge propet ag, ag Juda bu amu, amuam wan laappa diia ukka laih me dayak danab ah daaglagnu, ag bu amu ii aomnanu ippu ii ippunadppig. Nai ag madappig ele amu; nai amuam nai hambuppuak. Nai amuam ag omalatte, ag ib apiɗidna, eheɗ goppig.


Propet hambuppak ag dahil danab ah ulum nau mattanna, ag, ‘Maɗoɗ haen uɗiom daatte,’ atteb, amge maɗoɗ ii daama. Propet hambuppuak amu, ag am danab men awa, lagnu gilil hamu, simen iitta gai-iittanab he, laa gau hakkab teppu iitta ele, neekkakppa gilil ena daatte dabmak awaknu gililppa laidtte amu, ag propet hambuppuak ag laa gau amu laidtte bia hetteb.


Naɗi Yawe Nug inam atte. ‘Ag propet hambuppuak, ag dabmak tutukku iitta ele, ag akka ahilag dabmak dim lamidtteb, ag keeke laa da ii ippunadminu mattinna, da ag ippunadmi bia maditteb amu, ahilagnu am gadonnab gadon.


Da heppi, ag nob naunab nau aoglag. Da ahilagnu oppoɗi bak doyeye, da bu okkainab madakkul. Da amu heppi amu, Pilistia danab ah ag dooglag, da am Yawe.” Yawe Nug anam awa atte.


Da amu heine, da heppi, danab ah ag da onil ɠagattag ele daattem, da oppiaawak daattem ele anidkkulag. Da heppi, wanppan wan digdig danab ag da dooiɗkkulag. Da keeke amu oh heppi, ag dooglag, da am Yawe.” Yawe Nug anam atte.


Ag amu hetteb amunu, da ag anatten, oo doyak ii doopa! Ge, da ag anatten, bu madakkulnu ii uupa. Iitta. Ag eheɗ nau heppig amunu, da ag amunu nob elele madakkul. Da ii uupa,” awa aum.


O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.


O Israel danab ah, da keeke laa ag oolagppa genabnab bekkunu ai dootteb; amuam ahilag bu awak deɗ uɗieb amu, ahilag wan am nauhakib daakku.


Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.


Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.


Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.


Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.


Danab amu oolagppanu laa, nug laa oh naunab hetteb bia ii hette, nug nakok ena hette; nug anam daatte, amge nug ele am nau, uud keeke qaun ele bia. Ao, danab amu oolagppanu laa nug danab nakok ena bia daatte, amge nug ele am nau, aɗ keeke qaun ele eppak, amubia daatte. Amu ahilag bu awaknu deɗ, ahilag gumak danab tutukku, ag appig bia, deɗ amu aakku paha uɗitte. Ao, deɗ Kayak Nug ag bu madakku amu, deɗ amu aakku uɗiom daatte. Gemu am ahilag kaaka aqeb oiyak haen.


Propet danab Jerusalem daatteb ele ag am beɗuppa tak danab daatteb. Ao, ag hambuppuak kobolppa keeke ag oolag hette ele, ag amu aotteb. Mana mettak danab Jerusalemnu ag kobol eheɗ heegeg, Kayaknu mettid lag, nuhig neekkakppa am dubuttid teum daatte. Ge, ag hambuppunna, Kayaknu ɗo inam inam ippunigtte atteb, amge Kayaknu ɗo anam ii ippunigtte.


Anam dayeye, Nug anig amakkud ele ag amu doona, ag ahan, Nug omalna gokkulagnu uɗippig. Aɗinu? “Nug kaaka qeum,” aon appig.


Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.


Ig Jesusnu oonigppa genab dootta, kobol laala, wanppan danab ag amunu, “Kaaka kobol,” aon atteb ele amu, ig amu hettem dayeb amu, ig Kayaknu dabmetata hettem. O iitta ig nai unuqag, doyak ena eleppa nai madittem dayeb amu, ig ag ehandadkkunignu hettem.


Mim ne amu, aab okkai amu nug obate, maha ewam bate, aria atu atu dilag aab okkai ag nena qeppig. Haen amuppa ele amu aab okkai Babilon onig, ɠagattag ele nug Kayak daugppa do, Nug nuhig oppoɗi bak okkainab kap-ppa wain bia mette, Babilon laum.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ