Hosea 9:2 - Nobonob Baibel

² Ag amu hetteb amunu, geha ee, wain ele ag lakkulagnu am tutu daakku; ag elele iitta daaglag. Yo, geha wain bau ag lakkulagnu am ii daama.

Hosea 9:2 ပူးပေါင်းရင်းမြစ်များ

Genesis 50:10

Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

Hosea 2:11

Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

Hosea 2:12

Nug laa ag nug ele niippig, ag nug nob mettanna, grep dad, ad fignu dad ele medappignu aum, amu diig amunu da geha nuhig grep dad, ad fignu dad ele heppi nauhkkulag. Ao, da geha heppi, muɗi qaun ele huananab teguadkkulag, doɗ dakkuɗ aakkuib ag meulkad lakkulag.

Hosea 2:9

Amunu gemu da ee aeg dahil, hanhan oɗuak haenppa nug mettami amu, da eɗue aɗadppi, nug ii aoma. Ao, da wain bau dahil, grep meu awak haenppa hetteb hanhan mettami amu, da amu ele eɗue aɗadppi, nug ii aoma. Ge, da geha linen lamen dahil, lamen sipsip uɗigppa hak dahil ele, nug bam iitta daamanu tagakkunu hanhan mettami amu, da amu ele eɗue aɗadppi, nug ii aoma.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.