Hosea 9:16 - Nobonob Baibel

¹⁶ Israel danab ah ag uug naunab nau ooppa daatteb, ad oɗe ele bia. Ao, ag ad laa diɗi qaɗaiette, bunaɗkkunu daatte, ag amubia daatteb. Ge, ag ad meu ii otte bia daatteb. Amunu Israel danab ah ag nid iitta ele daaglag, me ag nid ele menuadlob amu da geha heppi, nid amu ag ahilagnu oolag huana hette ele, ag mauhkkulag.” Yawe anam atte.

Hosea 9:16 ပူးပေါင်းရင်းမြစ်များ

Genesis 41:23

Antte amu, ikki eblaih aɗit ele laa ele beppig anidmi, amge ikki amuam aelkad kuɗum iitta, ulah kaɗag gakkaɗak ele aqeeqe, aelkad teppu ele iitta daappig.

Job 18:16

Nau hak danab nug am ad laa, diɗi beɗom bia daatte. Ao, nug ad ebekkud bunaɗom, nug amubia daatte.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Hosea 5:11

Israel danab ah ag kayak hambuppuak dottolkad noolagppa dup nona binalag menan daan, uuglagnu uuppig oitteb, amunu geha kekeɗ ag eheɗ hattaglag. Ge, ag dahil bu mettak mattaglag.

Hosea 8:7

Israel danab ah ag kobol nau huanak hetteb amunu, ag geha bu naunab aoglag. Amuam laa nug ulah eppalo, amge meu awak haenppa nug ulah kilibob aolo, amubia. Geha bu qak Israel danab ah dilag, amuam ee nug ena ii bema, meu ele ii oma. Meu laa ololob amu, wan laihnu danab ag akkan lalob.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.