Hosea 8:10 - Nobonob Baibel

¹⁰ Israel danab ah ag ehanittak aoglagnu wanppan wan laalappa goppig, diig amunu haen elab iitta da ag diie, king ɠagattag okkainab ele amu, da ag nug waappa maadkkul. Nug geha eheɗ hattebeb, ag digmena, kuɗum gemu daatteb bia ii daamna.

Hosea 8:10 ပူးပေါင်းရင်းမြစ်များ

2 King 14:26

Yawe Nug amu heumnu diig am, Nug Israel dilag kekeɗ ag Israel danab ah oh uug okkai mattan heeg, eheɗ daaegeg ele anattom. Amu danab laa ag ehanadkkunu laa ii dayom, iitta.

2 King 17:3

Amu Asiria dilag king Salmaneser nug ban ha, Hosia eɗitta he, Hosia nug Salmaneser waappa dayaya, maɗ oh en takis bia mettom.

2 King 17:4

Amge maɗ laa am Hosia nug danab laala maatte, ag Isip dilag king So gumidna, King So oɗ medappeg ehanidkkunu goppig. Amu Hosia nug en takis bia Salmanesernu ii me ukkom, maɗ ohppa me gottom bia, nug ii me ukkom. Nug anam he, Asiria dilag king Salmaneser nug Hosia nug nug waappa daamanu laa ehanidkkunu dabmette doya, aakku Salmaneser nug Hosia aɗa, maniguittom.

1 Stori 5:26

Israel dilag huu okkai Ruben, Gad, Manase mahaib ele ag eheɗ amu heeg, Kayak, Nug Israel dilag Kayak, Nug he, Asiria dilag king Pul, nug onig laa am Tiklat Pileser, nug Asiria dilag king, nug aha, Israel dilag huu okkai Ruben, Gad, Manase mahaib ele eɗatta, appanu wan laappa diia ukka maatte, appa ag diia ukka laih me dayak danab ah daappig. Wan nug diia ukke daappig ele am Hala, Habor, Hara, amu le Gosan guguittak ele. Nug diia ukka, amuppa maatte daaeg uɗie, gemu ⌊nai imu yaak haenppa⌋ ele, ag appa ana daatteb.

Aisaia 10:8

Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

Aisaia 30:2

Ag da oɗ ii meɗanna, ag Isip gona, ehanittak ahilagppanu aoglagnu hetteb. Isip ag ehanadppeppeg ena daaglagnu dabmetteb. Ao, danab nug aam ɠagattag nette haenppa ad logoppa ena daatte, amubia ag Isip ahilag padal mak eɗitteb ena dayaknu ehanittak dayebeb, ena daaglagnu dabmetteb. ⌊Ag nau amu oh hetteb amunu, ahilagnu gadonnab gadon.⌋

Aisaia 36:13

Nug anam ana, nug hibaitta, Hibru naippa baag okkaippa ewa, inam aum. “Ag Juda danab ah, ag king okkai naɗi, Asiria dilag king, ag nuhig nai doyeg!

Jeremaia 42:2

Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Esekiel 16:33

Ib baag ah ag ahilag hak amunu men doɗo aotteb, amge na laa laih ohppanu ag uɗin, na ele niiglagnu, na ag keeke ena, gol, silwa, keeke, na keeke amu ahilag daakkunu hamu madattem. Amuppa ag na ele niiglagnu na lokkumakppa eheɗ haknu ehanittak mattan, eeɗadttem.

Esekiel 16:37

Na amu oh heme amunu da, Yawe, da danab oh na ag ele niippig, laa na ahilagnu oot mauhom, laa na ahilagnu nau ninig ele doome amu, da danab amu oh qagmaadppi, ag uɗin daappeg, da heppi, laa ag lamen nahip oh uɗappeg ukkeb, na ag noolagppa bam iitta, beɗun hamu daappe, ag na neekkidkkulag.

Esekiel 22:20

Danab silwa laa, silwa amuam kapa, aen, led amu tin ele kaboliak, nug amu le mekkulagnu aab aɗu gakkaɗak nauppa mette, amubia da ag Israel, ahilag hak naunu oppoɗi bak nau doye, ool ele nauhtte amunu, da heppi, ag Jerusalem ooppa daappeg, da aab ewak keeke he le mette, amubia da bu eheɗ madakkul.

Esekiel 23:5

Amu Oholah nug dahil dayaya, nug ib baag ah kobol ii uua haaha, nug laikkud, amuam Asiria dilag daup, nug ag ele niiglagnu oo hak nau doyom.

Esekiel 26:7

Anam amunu, Naɗi Yawe Nug inam atte. “Da heppi, danab laa, nug appag diig am Jerusalemnu yawalti uɗitteppanu daatte, danab amuam Babilon dilag king onig Nebukatnesar, nug nuhikkud daup ele ag Tair ele ban hekkulagnu uɗiglag. Nebukatnesar nug king laa oh eɗattak daatte. Da heppi, nug daup baelagppa oitteb kuɗum huanaknab, daup laa hos attan daan ban hetteb, laa bannu karisppa ele oinna ban hetteb ele oh uɗiglag.

Daniel 2:37

O king, na am wanppan king laa oh eɗattak daattem. Kayak, hab attan daatte, Nug na king daakkutnu tituanitta, Nug ɠagattag, ebehi okkai, binag amahlak oppiaawak ele na metta,

Hosea 10:10

Da bu madakkul doottem; Ao, da geha heppi, ban danab, wanppan wan laalappanu ag banelag uɗiglag. Ge, Israel ag ahilag hipunin kuɗumnab ele, amu ag amunu bu mattaglagnu uɗiglag.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Hagai 2:6

Aɗinu ag ii baɗamna? Yawe Nukka Ɠagattag Oh Ele, Nug inam ele atte. “Haen elab iitta, da hab, wan, yu, wan qaɗaiettak ele oh baula heppi uɗalkkulag.