Hosea 8:1 - Nobonob Baibel

¹ Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Hosea 8:1 ပူးပေါင်းရင်းမြစ်များ

2 King 18:27

Ag anam appig, amge Asiria dilag ban daup ikki banppa o ban guguittakppa daatte nug aum. “Dahil king nug da Juda danab oh amelagppa nai madippi dooglagnu meiɗe uɗimi. Nug da ahilag okkai nug, aria ag laa, nug ag maatte uɗippig ele, nug da ag aakkuib amelagppa nai madikkulnu meiɗe ii uɗimi. ⌊Ag dahil okkainu nai ii dim lamidkkulag dayeb amu, nug heeb, haen elab iitta,⌋ ag Juda danab okkai hekkulag bia, danab aɗppa daatteb imu oh ag ele ahilag biiak, ahilag hippuɗak ele lakkulag,” awa aum.

Aisaia 18:3

⌊Amu uug ahilagppa bekkunu nai am inam.⌋ Ag wan ohppan danab, ao, ag danab ah wan atu ohppa daatteb, ag ⌊wan laappa ban ahakkunu daatte miag anidkkulagnu,⌋ haen danab ag pilak qaukoppa qabappeppeg, ag anidkkulag! Ao, ag ⌊wan laappa ban ahakkunu daatte miag anidkkulagnu,⌋ haen danab ag trampet iwalppeppeg, ag daulagppa dooglag!

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Jeremaia 34:18

Ag nug tituana nai qakkak dahil tippalppig. Ag ahilkad maɗi nid uhuqadkkulagnu nug tituanna nai qagappig ele, ag nai amu okkulna, ii dim lamidppig. Ag nug tituana nai qakkak heppig, haen amuppa ag nai amu ɠagattag qettalagnu makau nag laa qeeg mauhe, gamagppa oppateg, maha aɗit daye, ag nug tituanna nai qagappig amu ag makau nag beɗu oppateg maha aɗit daapiɗ, ag beɗu laih aɗit amu gamalahppa tappan oippig. Ag amu heppig, amge ag nai amu aɗan oinna hekkulagnunab appig amu, ag ii heppig amunu, da ag makau nag beɗuppa heppig bia ahilagppa hekkul.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 48:40

Amu Yawe Nug inam atte. “Moap, ag antteg! Ai igel doɗ aokkunu noa ukka, eɗua tette, amubia kekeɗ ahilagppa uɗiglag.

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 51:27

Daup ag anidna uɗin, Babilon ele ban hekkulagnu ag pilak qabappeg, attan dayaɗ! Ao, daup ag doon, Babilon ele ban hekkulagnu ag trampet wan atu kuɗumppa iwaleg! Heppeg, wanppan wan laalanu danab ag Babilon ele ban hekkulagnu babaitteg! Ao, ɗo maɗoɗ imu ag ban hekkulag; Ararat danab, Mini danab, am Askenas danab ele. Appan danab ag ahappeg, Babilon ele ban hekkulagnu ag nai meppeg ukkeb doyeg! Laa nug daup huanak Babilon ele ban hekkulagnu dilag okkai daakkunu otieg! Heppeg, bannu hos huanaknab, ag tap-lokus huanak daatteb bia daan, daup ag hos amu attan oin, ban hetteb ele ag goppeg, Babilon ele ban heig!

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Esekiel 11:4

Ag anam atteb amunu, danab bekka, na uug naunab ahilagppa beeb anidkkulagnu propet nai appe doyeg! Ao, na ag amelagppa propet nai a!” awa aum.

Esekiel 16:59

Amu Naɗi Yawe, Nug imu ele atte. “Jerusalem, da hei, da na ele i nug tituanɗa, nai qakkamuɗ. Na nahip nai amu ɠagattag qettan mattime, amge na nug tituana nai qakkak amu tippalme, amuppa na nai ɠagattag qettak nahipnu ena iinab doome. Anam amunu da bu elele medakkul.

Esekiel 17:3

na imu a! Naɗi Yawe Nug inam atte. ‘Ai igel laa, ai amuam ai okkai, nug dayom. Nug haug am ɠagattag ele, haug uɗig, bitobppan uɗig ele am elab elab; uɗig laa am elele, teppu ele daya, am ele kaala iɗu iɗu dayom. Ai igel naɗi amu nug daya, Lebanon wanppa uɗia, nug ad sida laa gogppanabnu eppeg aɗa,

Esekiel 7:14

Da dahil oppoɗil Israel danab ah dilagnu beum daatte amunu, ag ban hekkulagnu keeke oh bappaidkkulagtai, ag ban hekkulagnu trampet iwalkkulagtai, amge da heppi, laa nug banppa ii goma,” awa atte.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 5:8

Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg!

Hosea 6:7

Yawe Nug anam ana, Nug Israelnu tuɗitta aum. “Adam nug dahil nug tituana nai qakkak tippalom, amu Israel danab ah, ag ele anam aakku heppig. Ag da ippunadmi bia, da dim lamiɗkkulagnu uun heppig.

Hosea 9:15

Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Joel 2:1

⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Joel 2:15

Ag trampet Sion aab okkaippa appa iwaleg! Ao, ag danab ah oh ag Yawe noobppa ee ohnu kud mena daaglagnu appeg doyeg! Ag oh Yawe noobppa qagmena dup nona Nug binag mekkulagnu deɗ metteg!

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Amos 8:3

Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.

Amos 9:1

Da, Amos, da Naɗi Nug qaɗab guguittak dayeye anitti, Nug da amelppa aum. “Na lagnu biidod menppa hak ikki huanaknab oppe, lag mawaknu ukku uɗalebeb, lag oh na qaɗ! Heppe, lag na qa, danab ah tonalatta, laa aqatteb mauhppeg, laa ii mauhkkulag ele amu, da heppi, kekeɗ ag qep elabppa aqappeg mauhkkulag. Laippu laa oola ii goma; oh mauhkkulag.

Habakuk 1:8

Ag ban hekkulagnu oiyegeg, ahilkad hos am paha paha, doɗ onig lepad paha oitte, ag amu eɗittak, paha paha oitteb. Ao, ban danab ahilkad ag wulp tueb me, doɗ laa aqaglagnu huana henan oitteb, ag danab dilagppa kobol amu eɗittak, huanaknab henan oitteb. Babilon ban danab hos attan daan, ban hetteb ele, ag hos attan paha paha, qaiettan banppa gotteb. Ao ag umanunab uɗitteb. Ag kaub doɗ beɗak laa teppu lakkunu na uɗitte, ag amubia hetteb.

Sepanaia 1:16

Deɗ amuppa ban daakku. Danab ban hekkulagnu trampet iwalppeppeg, ban haknu ewak ele ekkulag. Ao, ag aab okkai ɠagattag aɗ ele, aria aabnu aɗ daug daugppa ban haknu lag attan ta ukkak menppa hak, ag amu ele aoglagnu ban hekkulag.

Sekaraia 11:1

Lebanon wan, na aab ewebeb, ad sida nahipad eweb nauhkkulagnu ib babaitteg!

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.

Matyu 24:28

Mauhak gaɗalag niitteb, aben amuppa kaub ag uɗin appa qagmetteb.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.