Hosea 7:5 - Nobonob Baibel

⁵ King binag maknu qagmak gamag ahak elenu deɗppa, king bekkod ag wain laegeg, kaaka aqatte, king nug awa awa qettak danab ele oitteb.

Hosea 7:5 ပူးပေါင်းရင်းမြစ်များ

Genesis 40:20

Aria, deɗ aɗit uue, deɗ ewamppa, Paronu menuak deɗ amu, Paro nug nuhikkud ehanittak anuqak danab oh dilag hobul okkai heum. Deɗ amuppa nug a, wain babaittak Paro mettak anuqak danab, amu bret haattak anuqak danab ele aa danab appa daappig ele, aa ag noolagppa daaeheh,

1 King 13:4

King Jeroboam nug Betel appa qaɗabppa hibaitta dayeye, Kayaknu propet nai amu a doyom. Doya, Jeroboam nug anam dayaya, nug eppeg huma, nug laa daappig amu, nug ag propet eppona, nug aum. “Danab amu aɗeg!” awa aum. Nug anam aum, amge Jeroboam nug anam aawo, nug eppeg ɠagattag eppe, nug eɗua aokkunu elele iitta. Nug eppeg taietta, tutukku anam aakku dayom, ii awa oiyom.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 20:1

Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

Aisaia 28:1

Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.

Aisaia 28:14

Anam bekku amunu, ag Jerusalemnu danab okkai, ag Yawenu nai aon aon qedatteb ele, ag Yawenu nai doyeg!

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Matyu 14:6

Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum

Mak 6:21

Aria, ag anam daanna, deɗ laa Herodias nug Jon qekkunu ib anttom. Deɗ amuppa Herot nug nuhig menuak deɗ be, nug gabmannu ikki danab, ban daup ikki danab, amu Galilinu danab okkai laala ele, ag nuhig menuak deɗ amunu gamag ahak hekkulagnu hobul heum.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!