Hosea 7:2 - Nobonob Baibel

² Anam, amge Israel danab ah ag da neekkatte dayeye, ahilag eheɗ haknu oh dabmein daattem amu, ag amu ii dootteb. Ag haen oh hipunin heegeg tonadtteb; haen oh hipunin amu da noolppa dayeye, da anadttem.

Hosea 7:2 ပူးပေါင်းရင်းမြစ်များ

Job 34:21

Kayak Nug danab ah dilag oiyak anidtte; Nug ahilag kobol oh amegppa anidtte, lokkumak laa iitta.

Sam 10:11

Am nau hak danab ag akka ag ahilagnu, “Kayak Nug danab ah amunu ii dabmette. Nug ig ahilagppa aɗi heutut amu, Nug ii anigtte! Nug amunu aɗitai ii ama!” atteb.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Sam 90:8

Na hee, ihinig hipunin oh na noomppa miag atiak daatteb. Ao, na am amahlak ele, amu na hee, ihinig hipunin, ig lokkumakppa hemut ele amu, hipunin amuam na noomppa amahlakppa miag atiak daaegeg anadttem.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Aisaia 44:19

Danab ag kayak hambuppuak dottolkad hetteb ele oolagppan laa nug tutukku dab-ii-mette. Laa nug doyak elele, o diignu doyak tutukku elele am iitta. Laa nug anam dabmak elelob, o laa nug diignu doyak tutukku elelob amu, nug inam alo. “Ad amunu laih amu da awen, aab ilen, da ee dahil amuppa hemi. Da teppu manen lami. Da amu hemi amunu, gemu da ad amunu laih awen, keeke naunab nau, Yawe Nug amunu ooppa uuaknab dootte amu, da amu hoikkul am enate? Ao, da ad maha awen, amu noobppa da dup noin binag mekkul am enatte?” ⌊Laa nug dabmak elelelob amu, nug anam helo, amge iitta.⌋

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Jeremaia 16:17

Da ahilag hak oh anidttem; ag heppeg, ahilag hak laa lokkumeb, da ii anidkkulnu am iitta. Ahilag hipunin ele, da oh anidttem, laa lokkumak ii daatte.

Jeremaia 17:1

Amu Yawe Nug atte. “Danab nug aen maha laa, o men ɠagattag laa awa, amuppa nai laa men laappa otaɗtte, laa nai amu hamu obikkunu elele iitta daatte. Nai anam daatte, amubia Juda dilag hipunin am ag oolagppa yaak daatte. Ao, nai amuam doɗ mana mettaknu qaɗab ahilag anen anen qeqeɗi daug waɗeleppa daatteb, qeqeɗi amuppa yaak daatte.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 44:21

“Anukka ag mamelkad aɗi, ahilkad king, ahilkad ehanittak anuqak danab laa, ag gemu ippa Isip daatteb, amu Juda danab ah laa oh ele ag anukka Juda wanppa daanna, ag Judanu aabppa, Jerusalem aabppa ele ag kalu danab ile muttuɗig enanag bette ele aon manan, kayak hambuppuak madappig amu, Yawe Nug amu anttom ag iite dootteb? Nug amu antta amunu, dabmaama, dabmakppa iite meum.

Esekiel 21:29

Ag Amon, ahilag eman hak danab ag hambuppun, “Tuleglegppa anidmut amu, uug laa ihinigppa ii bema,” atteb. Ao, ag Amon, ahilag eman hak danab ag ahilag kobolppa hena, hambuppun, “Eheɗ laa ihinigppa ii bema,” atteb. Ag anam atteb, amge amuam hambuppuak. Uug ahilagppa bekku amu, danab nau aun aɗi ag mauhkkulagnu daatteb amu, ag mauhkulag. Bu awak haen ahilag aakku uɗiom daatte. Ao, bu awak haen ahilag am aakku gogppa teum daatte.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Hosea 9:15

Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Hosea 9:9

Am dahilad danab ah ag kobol diig ena iitta uɗig wak ele anukka Gibea appa danab ah heppig bia hetteb. Kayak Nug nau hak ahilag ii daug atima. Nug genab, geha ahilag hipuninnu bu madakku.

Amos 8:7

Ag anam hetteb, amge Yawe, Israel dilag Kayak, Nug Nug onigppa nai imu ɠagattag qetta, inam atte. “Da ahilag kobol nau ohnu amu, da daul iinab atima,” awa atte.

Jona 1:2

“Niniwe danab ah ag hak nau huanak heegeg anadttem amunu, na ahan, aab okkainab Niniwe gona, uug naunab ahilagppa beeb anidkkulagnu mehuqppe doyeg!” awa aum.

Namba 32:23

Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Luk 12:2

Keeke oh laa anidmanu tonak daatte am geha miag atikku. Ge, keeke oh lokkumak daatte ele, Kayak Nug heeb, danab ag anidkkulag.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Duteronomi 32:29

O gadon. Ag am danab ah doyak dabmak ena ele daanna, ag imu dooppeg, oolag maidlo am ena! O gadon. Ag aɗi kobol ahilagppa bekku oolag maidlo am ena!

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.