Hosea 7:11 - Nobonob Baibel

¹¹ Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Hosea 7:11 ပူးပေါင်းရင်းမြစ်များ

2 King 15:19

Haen Menahem nug king dayeye, Asiria dilag king Tiklat Pileser, nug nuhig ban danab diie, banelag uɗin, Israel ele ban hekkulagnu uɗippig. ⌊Tiklat Pileser onig laa am Pul.⌋ Anam heehe, Menahem nug Tiklat Pileser nug Israel dilagppa ban hak uua, geha nug Menahem ehanitteb, king ɠagattag Israel wanppa daakkunu ha, nug 3,000 kilogram silwa awa, Tiklat Pileser mettom.

2 King 16:7

Amu King Ahas nug danab laala maatte, Asiria dilag king Tiklat Pileser gumidna gona, amegppa inam appig. “Da King Ahas, da nahip maɗi nid, am nahip ehanittak ele daattem. Aram dilag king, am Israel dilag king ele aa gemu da banel uɗipiɗ iuttep. Amunu na uɗin, ig ehanigna, aa ele ban heppe, geha ig qagaiettak ii aomtanu ool daatte,” awa aum.

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Hosea 11:11

Ag ai Isipnu hagagaɗna uɗitteb, amubia ag beɗulag hahaɗebeb uɗiglag. Ao, uppuɗil beɗulag nakok ag hagagaɗna, Asirianu uɗitteb, ag amubia beɗulag hahaɗebeb uɗiglag. Ag uɗippeg, geha da ag omalatte, eɗue appalagppa uɗie maadkkul.” Yawe anam atte.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 5:13

Amu Israel danab ah ag ahilag oɗe anidna doon, ag Asiria dilag king ehanadkkunu dabmena oɗ medappig. Ge, Juda danab ah ag ag ihilkad anidna, ag Asiria dilag king okkai ehanadkkunu dabmena oɗ medappig. Ag anam heppig, amge Asiria dilag king nug heeb, ag ahilag oɗe iitta mekkunu elele iitta. Ao, Asiria dilag king nug heeb, ag ihilkad iitta mekkunu elele iitta.

Hosea 5:4

Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Hosea 9:3

Ag geha Yawenu wanppa ii daamna. Geha Israel danab ah ag Isip eɗun gokkulag. Ao, ag geha Asiria gona, appa ag ee ii lanaknu epeɗiak daatte lakkulag.

Hosea 9:6

Aɗinu? Antte! Asiria ban danab ag laala ii aqaglag dayeb amu, geha Isip ag diiglag. Ao, Isip ban danab geha ag diin gona, Mempis maadppeg, appa ag mauhppeg boumadkkulag. Ag geha ippa ahilag wanppa ii daamna, geha uud keeke qaun ele bena, ahilag en, silwappa hak, teguadkkulag. Ao, keeke qaun ele geha ag laulkadppa bekkulag.

Obadaia 1:7

Danab wan atu laihnu ag ehanadkkulagnu ag ele nug tituanak heppig amu, ag wagai mena, ag ag Edom, ag ahilag wanppanu lamadkkulag. Ag lailkad ag ag hambuppualadna, ag eɗadkkulag. Ag lailkadnab bia, ag ahilag ee latteb amu, ag ahilagnu pelem laa mekkulag; amge ag Edom, ag amunu nakok laa ii doomna.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.