amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.
Hosea 5:8 - Nobonob Baibel8 Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg! အခန်းကိုကြည့်ပါ။ |
Hosea 5:8
20 ပူးပေါင်းရင်းမြစ်များ
Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’
Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!
Am danab ah Samaria daatteb ele ag kekeɗ uɗin, makau gaiɗ dottog golppa hak, Bet Awen appa daatte amu, ag uɗin, dottog amu ahilag wanppanu aon gomananu baɗan daatteb. Amge kekeɗ ag uɗin anam hekkulag amunu, kayak hambuppuak amu dilag mana mettak danab, danab ah laa ag dottog amu dim lamidtteb ele, ag geha nuhignu oolag dookku. Ge, danab ah oh ag dottog amu, nuhig neekkak enanagnab ele, ag amunu gamag ahak okkai dooppig, gemu ele hetteb amu, haen kekeɗ ag appalagppa maon gobeppeg, ag diig amunu geha oo doyak aoglag.
Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.
Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.
⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!
Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.
ကြော်ငြာတွေ