Hosea 5:6 - Nobonob Baibel

⁶ Ag geha Yawe anidna, Nug dim lamittaknu Nug mattinna, ag ahilkad sipsip, meeme, amu makau main, Nug mettaglagnu akkan uɗiglag, amge ag Nug ii anidmana; Nug nukka awaitta, piɗe ukkom daatte.

Hosea 5:6 ပူးပေါင်းရင်းမြစ်များ

Eksodas 10:9

A amu, Moses nug oɗeppa awa aum. “Ig oh gokkunig. Ig danab ah bau, danab ah kaino, ihinkad nid, nid ahin oh ele, amu doɗ sipsip oh, doɗ meeme oh, amu makau oh ele, ig amu oh diit gokkunig. Aɗinu? Ig Yawe dabmettata, qagmak gamag ahak ele hekkunig,” awa aum.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Solomonnu Ahi 5:6

Da aɗen, od matulen, laa dahilnu oo mauhtte ele mettami; amge nug appa ii dayom, nug ukka malom. Da nug baag baula dookkulnu ool huana dayom. Da nug anidkkulnu mattimi, amge da nug ii anidmi. Da onigppa emi, amge nug da oɗelppa nakok laa ii awom.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Jeremaia 11:14

Yawe Nug anam awowa, Nug da amelppa aum. “Jeremaia, na danab ah imu dilagnu aib unuqiɗme. Na da ehanadkkulnu aib oɗ meɗame. Aɗinu? Da nahip nai ii doopa. Ag uug nau anidnana, da unuqiɗppeppeg, da amu ele ii doopa,” awa aum.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Jeremaia 7:4

Laa ag, ‘Yawenu mettid lag, lag amunu keeke oh ele ig oonigppa daatte amunu, uug laa ihinigppa ii bema,’ ge iitta mattin oitteb amu, ag nai amuppa hambubutteb. Ag laa ag nai amu dabmenana, ag nai amunu aib oolagppa genab dooppig.

Gayak Nai 3:44

Na lombig teppu elenab na tonidkkunu, aɗ ɠagattag bia daakkunu meme amunu, ihinig unuqittak nahip-ppa gokkunu elele iitta.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Esekiel 8:6

Da neekki ukke, amu anitti, Kayak Nug da amelppa aum. “Danab bekka, na Israel ag hetteb anidttemte? Ag hetteb amu, da amunu uuaknab doye aute aottem. Ag amu hetteb, amuppa ag hebeppeg, da mettid lag dahil uue, uma gokkul. Da ippa ii daapa. Na imu anidme, da kobol amunu oolppa uuaknab doottem, amge na kobol nau laa Israel ag hetteb, kobol amunu nau hak am imu eɗittak, na amu ele anidkkut,” awa aum.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Amos 8:12

Haen amuppa amu, danab ag da, Yawe, ag dahil nai dooglagnu, ag Mediterenia yu, Mauhak Le ele gamagppa laih wana, eɗun laih dona, ag yawalti uɗitteppanu gona, eɗun kaɗag uɗitteppanu gona oin mattinna, aben amu ohppa dahil nai ii anidmana. Iitta.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Luk 5:16

amge Nug haen kuɗum aben laih, danab ii daattebppa ukka, Nug unuqidttom.

Jon 7:34

Goppi, ag da mattiɗkkulag, amge da ii aniɗmana. Amu ele aben da gottem ele, amuppa ag gokkulagnu elele iitta,” awa aum.