Hosea 5:4 - Nobonob Baibel

⁴ Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Hosea 5:4 ပူးပေါင်းရင်းမြစ်များ

Sam 78:8

Am ag mamelkad aɗi bia ii hemana. Ao, ag alalkad ag oolag ɠagattag eppe, nai tappaeg ne, ii dim lamidppig. Ag oolagppa Kayak, nuhigib ii dabmena, oo metta ii uuak kobol ii dim lamidppig. Ao, ag Nugib dim lamidkkulagnu oo metta ii uuak kobol ii dim lamidppig.

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 50:38

Laa heeb, Babilon dilag le qaɗaietteg! Anam heeb, le am qaɗaiettaglag. Aɗinu uug amu oh Babilon wanppa bekku? Ag kayak hambuppuak dottolkad noolagppa dup nona binalag metteb. Amu Babilon danab ah ag dottolkad amu dabmenana, ag kaaka danab hette bia hetteb.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Hosea 13:13

Israel danab ah ag am bau daaglagnu ib ele, amge ag ib amuppa ukkaknu ag doyak dabmak ena ele iitta; appa ii oitteb. Aɗinu? Ag am nid yuɗ laa menuaknu daatte, amge nid loabppan dokkunu uua daatte, ag amubia daatteb.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Hosea 4:12

Am dahilad danab ah ag dabmak aoglagnu keeke adppa hoyak oɗ madatteb. Ao, ad maha ag ulum nai madatte! Aɗinu? Ag ahilag kayak hambuppuak noolagppa dup nona binalag mekkulagnu oo hak nau doon hetteb amu, ahilag oo hak nau amuam he, ag ib apiɗidna gotteb; ag da, ahilag Kayak, ag da ippunadmi bia da dim lamiɗkkulagnu uun hena, ag kayak hambuppuak dim lamidna oitteb.

Hosea 4:14

Amge ahilkad danab ag ele nau anamib aakku hetteb. Ag ib baag ah ele niitteb. Ao, ag ib baag ah, ag kayak hambuppuak dilag mettid lag nakokppa ag ahilag uɗat amu hettebppa appa, ag ag mana mettak hena, ag ele niitteb. Anam amunu da geha ag dahilad danab ah, da ag aɗelkad, ag eɗun, ib baag ah bena oitteb amu, diig amunu da ag aɗelkad bu ii madapa. Ao, da geha ag dahilad danab ah, ag ahipalkad ele, ag eɗun, ewau pakkua gappai hak kobol hetteb amu, diig amunu da ag ahipalkad bu ii madapa. ⌊Dabmeig!⌋ Ag danab ah ag diignu doyak tutukku iitta ele daatteb amu, ag nauhkkulag.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 7:11

Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Hosea 8:11

Israel danab ah ag ib etta hipunin haknu ofa haknu qaɗab kuɗumnab hadappig, ⌊amge ag da ii dim lamiɗppig⌋ amunu, qaɗab amuam hipunin haknu aben bena daappig, gemu ele anam daatteb.

Jon 16:3

Danab amu ag da Mama ele ii dooitppig gemu ele ii dooit-tteb amunu, ag anam hekkulag.

Jon 8:55

Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

1 Samuel 2:12

Elkana, Hana ele aa goya aabppa daaeheh, Samuel nug Eli ele Silo appa daapiɗ. Aa anam daaeheh, Eli bekoɗ, aa onilah am Hopni, Pinias ele, aa mana mettak uɗat hepiɗ, amge aa am danab nau; aa Yawenu, “Nug am keeke hamu,” doopiɗ.