Hosea 5:13 - Nobonob Baibel

¹³ Amu Israel danab ah ag ahilag oɗe anidna doon, ag Asiria dilag king ehanadkkunu dabmena oɗ medappig. Ge, Juda danab ah ag ag ihilkad anidna, ag Asiria dilag king okkai ehanadkkunu dabmena oɗ medappig. Ag anam heppig, amge Asiria dilag king nug heeb, ag ahilag oɗe iitta mekkunu elele iitta. Ao, Asiria dilag king nug heeb, ag ihilkad iitta mekkunu elele iitta.

Hosea 5:13 ပူးပေါင်းရင်းမြစ်များ

2 King 15:19

Haen Menahem nug king dayeye, Asiria dilag king Tiklat Pileser, nug nuhig ban danab diie, banelag uɗin, Israel ele ban hekkulagnu uɗippig. ⌊Tiklat Pileser onig laa am Pul.⌋ Anam heehe, Menahem nug Tiklat Pileser nug Israel dilagppa ban hak uua, geha nug Menahem ehanitteb, king ɠagattag Israel wanppa daakkunu ha, nug 3,000 kilogram silwa awa, Tiklat Pileser mettom.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 King 16:7

Amu King Ahas nug danab laala maatte, Asiria dilag king Tiklat Pileser gumidna gona, amegppa inam appig. “Da King Ahas, da nahip maɗi nid, am nahip ehanittak ele daattem. Aram dilag king, am Israel dilag king ele aa gemu da banel uɗipiɗ iuttep. Amunu na uɗin, ig ehanigna, aa ele ban heppe, geha ig qagaiettak ii aomtanu ool daatte,” awa aum.

Aisaia 3:7

Nug anam akku, amge haen ⌊nau⌋ amuppa geha nug awag o amag nug aha hibaitta, nug amegppa akku. “Da ahilag okkai ii daapa. Da na, laa ele, da ag ehanadkkulnu ib iitta. Da ele laulppa ee ele iitta, lamen ele iitta amunu, ag aib da ahilag ikki danab daakkulnu otiɗpig,” awa akku.

Jeremaia 30:12

Amu Yawe Nug inam awa atte. “Ag Jakop buɗub, ag danab nug layag guittak okkainab mette, ihi nau awe, dokta babaitteb ena daakkunu ib laa iitta bia daatteb. Ao, ag Jakop buɗub ag am danab nug guittak okkainab awe, ihi nau daye, dokta babaitteb, eɗua ena bekkunu ib laa iitta bia daatteb.

Esekiel 23:5

Amu Oholah nug dahil dayaya, nug ib baag ah kobol ii uua haaha, nug laikkud, amuam Asiria dilag daup, nug ag ele niiglagnu oo hak nau doyom.

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.

Hosea 7:11

Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Hosea 8:9

Aɗinu? Ag Asiria gona, ag ehanadkkulagnu oɗ madappig; ag am donki dakkuɗ laa nug mauhnoak, laih ukka, eɗua uɗia, hamu hamu oitte bia daatteb. Israel danab ah ag am ah laa nug nukka beɗu awa, danab matte, nug ele niitteb, ag amubia hetteb.

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.