Hosea 5:12 - Nobonob Baibel

¹² Geha da Israel dilagppa dittuɗ lamen otule nauhtte bia heppi nauhkkulag. Ao, da Juda dilagppa ad beɗa nauhtte bia heppi nauhkkulag.

Hosea 5:12 ပူးပေါင်းရင်းမြစ်များ

Job 13:28

Da am ad keeke beɗom daatte bia daattem; da lamen gawat heeg nauhom daatte amu, da amubia daattem.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Prowerb 12:4

Danab wau nug ah diig ena daatte dayeb, nug gamu haɗ bia aakku daatte; amge ah nug gamu uɗa nak nau guittak ele medatte amu, kobol amuppa nug gamunu ɠagattag he nauhtte.

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Aisaia 50:9

Naɗi Yawe Nug hettoɗiakppa nai ena dahilnu atte amunu, aun laa nai nauppa da yaaiɗkku? Laa ag anam hekkulagnu hekkulag dayeb amu, ag am lamen alag ma ukka nauhtte bia hekkulag. Ao, ag am lamen alag laa dittuɗ lappig, amubia daaglag.

Aisaia 51:8

Aɗinu? Danab ag ahilagnu nai hetteb, ag aon aon aqadtteb ele, ag dittuɗ lamen he nauhak daatte, danab amu ag nauhak amubia nauhkkulag. Ao, dittuɗ nug wul he nauhak daatte, nauhak amubia ag nauhkkulag. Ag anam nauhkkulag, amge dahil genab tutukku hak kobol am hanhan daakku. Ao, dahil danab ehanatte, ag padal ii metteb kobol amu, kobol amuam iitta ii mema, hanhan daakku.” Yawe Nug anam atte.

Jona 4:7

Amge wagɗe deɗ amuppa Kayak he, wan gawat laa muɗi amu diig ekkule mauɗa neum.