Hosea 5:1 - Nobonob Baibel

¹ Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Hosea 5:1 ပူးပေါင်းရင်းမြစ်များ

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Hosea 10:15

O Betel danab ah, ag nau hak ahilag am okkainab amunu, kobol amubia ahilagppa bekku. Deɗ amuppa Kayak Nug Israel bu mattebeb, Israel dilag king am nauha autanab awa, iitta mekku.

Hosea 13:8

Da geha bea, laa nug nag aɗidna aon ukkaeg hette bia; da banelag ukken, ban hein, kattiɗadkkul. O iitta, da laion laa enug qe, ee awa laum bia, da ahilagppa anam hekkul. Ge, doɗ dakkuɗ nug laiyag kattiɗe huppu naunau netteb, amubia da ahilagppa hekkul.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 6:9

Danab ag ban hena, danab ah aqan, ahilag keeke aɗadkkulagnu atu daugppa lokkumna daatteb bia, mana mettak danab ag oohona, Sekemnu ib ukkakppa danab makkuɗatteg mauhtteb amunu, ag eheɗ naunab nau hetteb.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Joel 1:2

Ag ikki danab, ag nai imu doyeg! Yo, ag danab ah Juda wanppa daatteb, ag daulag human doyeg! Ag gemu daatteb ele amu, ahilag haenppa uug imu bia laa beumte? Ao, ag mamelkad aɗi daappig haenppa ele keeke imubia laa beumte? Iitta.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Amos 7:9

Da heppi, Aisak buɗub ag kayak hambuppuak dilag mettid lag nakok bappaidppig ele amu, kekeɗ ag amu oh heppeg nauhkkulag. Ao, lag Israel danab ah ag appa kayak hambuppuak noolagppa dup nona binalag metteb ele amu, kekeɗ ag lag amu oh loppaɗppeg nauhkkulag. Amu da qep elabppa heppi, Israel dilag king Jeroboam buɗub laa sia king amuppa daakkunu ii daama,” awa aum.

Maika 3:1

Aria dimppa da ⌊Maika,⌋ da ami. “Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag nai doya mala hettoɗia epeɗia elele mettak kobol iite dootteb?

Maika 3:9

Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag danab okkai, ag nai doya mala hettoɗia epeɗia elele mettak kobolnu ena iinab dootteb. Ao, ag danab okkai, ag kobol genab tutukku ele oh aona, ag heeg, kaboliak dayeye, kaliak okkai aakku daatte.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Malakai 2:1

Yawe Nukka Ɠagattag Oh Ele Nug atte. “Haknunab nai imu amu, am ag mana mettak danab, ahilagnu!

Ikki Danab 4:12

Aria, Barak nug ugekke, Deborah, amu danab ag Barak dim lamitteg goppig ele, ag qauko Tabor appa teeg, laa ag Sisera amegppa, “Barak, Abinoam bekka, nug Tabor qaukoppa teum,” appig.

Ikki Danab 4:6

Anam daye amu, deɗ laa amu, nug Abinoam bekka Barak uɗikkunu nai me ukkom. Barak am Kedes aabppa dayom. Kedes am Israel dilag huu okkai Naptali dilag wanppa dayom. Nug nai me ukke, Barak uɗie amu, Deborah nug amegppa aum. “Yawe, Israel dilag Kayak, Nug na inam aakku haknunab atte. ‘Na qauko Tabor appa gona, na ban danab 10,000 Naptali, Seblon ele huuppanu diippe, na ag ele appa ukkeg!

1 Samuel 7:16

Samuel nug aab onig Rama, appa dayom, amge maɗ oh nug Ramanu aha, Betel ukka, nakok dayowa aha, Gilgal ukka, nakok dayowa aha, Mispa ukka, nakok dayowa, appanu aha eɗua Rama gottom. Nug ukka, aab amu ohppa daya oiyaya, nug Israel dilag nai babaittom.

1 Samuel 7:5

Israel ag anam heeg, Samuel ag aab onig Mispa, appa gokkulagnu anana, nug ag amelagppa aum. “Mispa appa da Yawe ag ehanadkkunu unuqidkkul,” awa aum.

1 Samuel 7:6

Samuel nug anam a, Israel oh ag Mispa gona, qagmeppig. Qagmena, ag le itan, Kayak noobppa mana mettak bia daakkunu gokkaɗeg no, ag deɗ amu buttua ukke tueb batak amu, ag kud mena, ee uuna daappig. Ag amu henana, ag miagib madippig. “Ig Yawe, nuhigppa hipunin hetata daamut,” aon appig. Mispa appa Samuel nug Israel danab ah epeɗiattom.