Hosea 4:6 - Nobonob Baibel

⁶ Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 4:6 ပူးပေါင်းရင်းမြစ်များ

2 Stori 15:3

Haen elab Israel ag Kayak genab ele ouqak ii daappig. Mana mettak danab laa Kayaknu ippu ag ippunadkkunu ii dayom. Ag Kayaknu ɗo ii dooppig.

Job 36:12

Amge Kayak Nug ag daulag bate, ag dooglagnu uutteb dayeb, ag qep elabppa mauhkkulag. Ao, ag doyak iitta ele mauhkkulag.

Sam 119:139

Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 119:153

Da nahip ɗo daul ii atiom amunu, na da uug mawewe daattem imu neegna ehaniɗppe, da qagaiettakppa ii daapanu oɗ medattem.

Sam 119:61

Nau hak danab ag da muɗippa hippaliɗna, eeɗilppeg hipuninppa nolomtai, amge da anam ii hepa. Da nahip ɗonu ii daul atima.

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 19:2

Doyak ena iitta eleppa keeke laa haknu yag-nab-bak doyak am ena iitta; o iitta, dab-ii-menana, keeke paha henana, ib apiɗittak, amu ele ena iitta.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Aisaia 17:10

Aɗinu? Ag ⌊Juda, ag⌋ Kayak ahilag, Nug ag ehanatte, ag padal ii metteb ele amu, ag Nug daulag atiom. Ao, ag ahilag Kayak, Nug kekeɗ aqamanu ehanattak ahilag, Nug am aab aɗ ɠagattagnab ele ahilag bia daatte amu, ag Nug dab-ii-metteb. Anam amunu, ag muɗi grep ena ena aon eppaglagtai. Ao, ag grep aben laihnu aon eppaglagtai. Ag buttua eppelagppa eppan heppeg, qaɗu buttua amuppaib belo. Ao, deɗ amuppa buttua ag eppan heppeg, haɗag ele qelo. Ag anam heppeg belo, amge meu awak haenppa keeke amu oh am keeke hamu. Ag grep meu laa ii aomna. Iitta. Ag meu diig aɗit laa, meu amuam oɗe digdig, amu guittak ii bodoedatte ele, ag meu amu aakkuib aoglag.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Aisaia 3:12

Juda danab ah, ag am dahilad danab ah, ⌊amu ahilagnu gadonnab⌋. Nid bau ag ahilag okkai danab daan, eheɗ hadatteb. Ah ele ahan, ag gumadnana daatteb. O Juda danab ah, ag am dahilad danab ah ele, ahilag okkai ag ib eheɗppa omaladna gotteb. Ag ib nau kuɗumppa ag kaboliadtteb.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 5:13

Anam amunu, genabnab genab geha kekeɗ ag uɗin, ag dahilad danab ah, ag Yawe ɗonu, nuhig kobolnu ele doyak pehettak iitta amu, diig amunu kekeɗ ag ag diin, uma goppeg, ag diia ukka laih me dayak danab ah, wan laappa anam daaglag. Danab okkai okkai enugnu mauhkkulag. Danab ah laa ag le ele iitta daappeg, ag lemaɗulag qaɗaiedakku.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 5:21

‘O Juda danab ah, ag dabmak tutukku iittappa oitteb. Ag kaaka oitteb. Ag amelag ele, amge ag aɗi keeke ii anidtteb. Ag daulag ele, amge ag nai ii dootteb,’ ” awa aum.

Esekiel 44:23

Mana mettak danab ag danab ah keeke dahilnu tituanak daatte, keeke hamu daatte ele, ag keeke aɗit amu danab ah ippunadna, ag danab ah ag aɗi keeke am dubuttid iitta, aɗi keeke am dubuttid ele ippunadppeppeg doyeg!

Hosea 13:6

Amge Israel dilagnu amu, da hei, ag Kanan wan aon daanna, ag ee kuɗum ele daan, ag laeg oolag aɗom; ag oolag aɗe, ag dada danab beppig. Ag anam bena, ag dahilnu daulag atiom.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 4:12

Am dahilad danab ah ag dabmak aoglagnu keeke adppa hoyak oɗ madatteb. Ao, ad maha ag ulum nai madatte! Aɗinu? Ag ahilag kayak hambuppuak noolagppa dup nona binalag mekkulagnu oo hak nau doon hetteb amu, ahilag oo hak nau amuam he, ag ib apiɗidna gotteb; ag da, ahilag Kayak, ag da ippunadmi bia da dim lamiɗkkulagnu uun hena, ag kayak hambuppuak dim lamidna oitteb.

Hosea 4:14

Amge ahilkad danab ag ele nau anamib aakku hetteb. Ag ib baag ah ele niitteb. Ao, ag ib baag ah, ag kayak hambuppuak dilag mettid lag nakokppa ag ahilag uɗat amu hettebppa appa, ag ag mana mettak hena, ag ele niitteb. Anam amunu da geha ag dahilad danab ah, da ag aɗelkad, ag eɗun, ib baag ah bena oitteb amu, diig amunu da ag aɗelkad bu ii madapa. Ao, da geha ag dahilad danab ah, ag ahipalkad ele, ag eɗun, ewau pakkua gappai hak kobol hetteb amu, diig amunu da ag ahipalkad bu ii madapa. ⌊Dabmeig!⌋ Ag danab ah ag diignu doyak tutukku iitta ele daatteb amu, ag nauhkkulag.

Hosea 5:4

Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Hosea 7:11

Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Hosea 7:9

Ag wan laihnu danab ah kobol nau hetteb, ag amubia heegeg, ahilag ɠagattag bodoettaladtte, amge ag amu ii dootteb. Ao, Israel am danab kaino laa nug ikki uɗug nakok umimi qak ele, amge nug amu ii dootte, Israel danab ag amubia daatteb, amge ag amu ii dootteb.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Hosea 8:12

Da dahil ɗo oh ag mattami me, ag ɗo amu ii tonadtte bia hetteb.

Hosea 8:14

Da, Yawe, da Israel danab ah hattami, amge ag dahilnu daulag atie, ag king laulkad okkai okkai buualadppig daatteb. Juda danab ah ag ⌊kekeɗnu baɗan,⌋ ag aab kuɗumppa aɗ keeke heppig. Ag anam heppig, amge da heppi, aab dittia, ahilkad aab okkai, amu ahilkad aab okkai aɗ ɠagattagnab ele eokku.” Yawe Nug anam awa atte.

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Matyu 1:6

Jesi bekka am King Dawit. Amu Dawit wau Batseba ele, aa bekkalah am Solomon. Batseba nug tatam Uria wau dayom.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Matyu 15:8

‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

1 Samuel 2:12

Elkana, Hana ele aa goya aabppa daaeheh, Samuel nug Eli ele Silo appa daapiɗ. Aa anam daaeheh, Eli bekoɗ, aa onilah am Hopni, Pinias ele, aa mana mettak uɗat hepiɗ, amge aa am danab nau; aa Yawenu, “Nug am keeke hamu,” doopiɗ.