Hosea 4:19 - Nobonob Baibel

¹⁹ Am ag anam hetteb amunu, ag geha kilibob ɠagattag keeke diia, laih gotte, amubia ag nauhkkulag. Ao, ag kayak hambuppuak dottolkad dilagnu mana mettak hetteb amunu, ag uɗa nak aoglag.” Yawe Nug anam atte.

Hosea 4:19 ပူးပေါင်းရင်းမြစ်များ

Aisaia 1:29

Ag ad ok, ⌊ag amu waalagppa kayak hambuppuak noolagppa dup nona binalag metteb,⌋ ag ad amunu enanagnab dootteb ele, ag amunu uɗalag nekku. Genab, ag dad ena ena, ⌊amuppa ag kayak hambuppuak noolagppa dup nona binalag mekkulagnu⌋ tituantteb amu, ag amunu laa noolagppa uɗa nak nau guittak ele dooglag.

Aisaia 42:17

Da anam aakku hekkul, amge danab ag kayak hambuppuaknu oolagppa genab dootteb, ag da heppi nauhna, ag uɗalag nekku. Ao, laa oh ag dottolkad amelagppa, ‘Ag am ihinkad kayak,’ atteb ele, ag da heppi nauhna, ag uɗalag nekku.” Yawe Nug anam atte.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 51:1

Yawe Nug inam atte. “Da heppi, huu laa, ag keeke heeg nauhtte ele, ag ahan, Babilon wan, wan amunu danab ah ele ban hekkulag.

Hosea 10:10

Da bu madakkul doottem; Ao, da geha heppi, ban danab, wanppan wan laalappanu ag banelag uɗiglag. Ge, Israel ag ahilag hipunin kuɗumnab ele, amu ag amunu bu mattaglagnu uɗiglag.

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.