Hosea 4:14 - Nobonob Baibel

¹⁴ Amge ahilkad danab ag ele nau anamib aakku hetteb. Ag ib baag ah ele niitteb. Ao, ag ib baag ah, ag kayak hambuppuak dilag mettid lag nakokppa ag ahilag uɗat amu hettebppa appa, ag ag mana mettak hena, ag ele niitteb. Anam amunu da geha ag dahilad danab ah, da ag aɗelkad, ag eɗun, ib baag ah bena oitteb amu, diig amunu da ag aɗelkad bu ii madapa. Ao, da geha ag dahilad danab ah, ag ahipalkad ele, ag eɗun, ewau pakkua gappai hak kobol hetteb amu, diig amunu da ag ahipalkad bu ii madapa. ⌊Dabmeig!⌋ Ag danab ah ag diignu doyak tutukku iitta ele daatteb amu, ag nauhkkulag.

Hosea 4:14 ပူးပေါင်းရင်းမြစ်များ

1 King 15:12

Asa nug danab ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig ele, nug danab amu geɗatta lamatte, wan amu uun goppig. Laa ele nug kayak hambuppuak dottolkad nug mamekkud aɗi heppig amu, nug dottolkad amu loppaɗatta akke ukkom.

2 King 23:7

Josaia nug amu ha, nug ele danab ag danab danab ele gappai kobol hetteb laulkad, lag amu am mettid lag, nuhig tomppan keeke oh ele, am appa daappig amu, nug amu oh loppaɗattom. Amu ah ag kayak hambuppuak Aserahnu lamen hetteb ele amu, ag ele lag amuppa daappig.

Prowerb 28:5

Eheɗ hak danab ag nai doya mala hettoɗia epeɗia elele mettak kobol diig tutukku ii dootteb; amge danab ag Yawe antta, Nug dim lamidkkulagnu Nug maditteb, ag nai doya mala hettoɗia epeɗia elele mettak kobol diig tutukkunab dootteb.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Daniel 12:10

Laa kuɗum Kayak Nug uug bekkulagppa heeb, ag oppiaawak, dubuttid iitta, ahilagppa eheɗ nakok laa ii daama, ag anam daaglag. Ag enanag anam daaglag, amge nau hak danab ag tuɗidna, nau hekkulag. Nau hak danab ag ⌊nai amunu meu, Kayaknu hak ele⌋ diignu doyak tutukku ii aomna, amge danab ah doyak dabmak ena ele, ag diignu doyak tutukku aoglag.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 4:17

Israel danab ah, ag kayak hambuppuak dottolkad noolagppa dup nona binalag mekkulagnu oolag okkai daatte; ag gumadna, aib goppig!

Hosea 5:4

Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Amos 2:7

Israel ag daɗek danab ah dilagnu keeke hamunab, gappud bia doon, uug nau madatteb. Ge, ag laa ag danab okkai eppelagppa eheɗ hattak aotteb ele, ag amu dilag hettoɗiak abenppa nai doya mala hettoɗia epeɗia elele mettak kobol ii dim lamidtteb. Israel laa, nug bekka ele aa oh nid ahin laippu ele oitteb; kobol amuppa ag da onil, oppiaawak daatte, ag heeg, da onil laa dilag neekkakppa hamu bia daatte.

Amos 7:17

Na da baula amunu ii madipanu attem amunu, Yawe Nug inam atte. ‘Uug naunab nahip-ppa bekku. Beeb, ah nahip nug aab okkai imuppa ib baag ah daakku. Nid danab nahipad, nid ahin nahipad ele amu, kekeɗ ag qep elabppa aqappeg mauhkkulag. Wan nahip amu, laa ag oppatppeg neeb, panin aoglag. Na amu, na wan laappa, wan imuppa iitta, laappa mauhkkut. Wan amuppa ag Kayak ii dimlamidtteb; ag kayak laa dim lamidtteb. Nahip-ppa anam beeb amu, kekeɗ ag heppeg, Israel ag genabnab genab ahilag wan imuppanu ahan gona, diia ukka laih me dayak danab ah wan laappa daaglag.’ Yawe Nug anam awa atte,” awa aum.

Namba 25:3

Ib anamppa Israel ag Moap danab ah ele wana, qauko Peornu kayak hambuppuak Bal noobppa dup nona binag meegeg, Yawe Nug Israel danab dilag oo huana nauhom.

Jon 8:43

Am aɗinu ag dahil nai tutukku dab-ii-medatteb? Amunu diig am ag dahil nai ii doon aotteb.

Rom 3:11

Danab laippu laa nug diignu doyak tutukku ele iitta. Amu danab laippu laa Kayak madikkunu ii hette.

1 Korint 6:16

Ag imu iite dootteb? Danab nug ib baag ah ele aa beɗulah laippu ouqettep amu, aa beɗulah ⌊amge amuppa aakkuib⌋ laippu daattep. Aɗinu? Kayak naippa, nai inam daatte. “Aɗit amu aa ouqak laippu daaglah.”

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

Duteronomi 23:17

Israel danab o ah laa, nug laa ag ib baag ah, o ib baag danab ag ahilag kayak hambuppuak laulkadppa daan, ahilag uɗat hetteb amu, ag Israel, ag oolagppan laa nug amubia aib dayom.

Hibru 12:8

Danab oh ag nid ahilkadnab ena bekkulagnu toliadna bu aqatteb amunu, Kayak Nug ag oolagppa genab dootteb ele, Nug ag ii toliatta bu ele ii aqatte dayeb amu, ag Nug bekkodnab iitta; ag am ib imuagnu nid bia daatteb.