Hosea 4:1 - Nobonob Baibel

¹ O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 4:1 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Sam 81:9

Ag kayak hambuppuak ahilagppa iinab daakkuoitte. Ao, ag kayak hambuppuak laanu iinab dup nokkulagoitte.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Aisaia 28:14

Anam bekku amunu, ag Jerusalemnu danab okkai, ag Yawenu nai aon aon qedatteb ele, ag Yawenu nai doyeg!

Aisaia 34:1

Danab ah wan atu ohppanu ag gumiɗna dona, nai doyeg! Ao, ag wan atu ohppan danab ah, ag daulag human, nai doon, dabmetteg! Ag wanppan danab ah oh, wanppan keeke laa oh ele ag doyeg! Ao, wan atu ohppa danab ah, wanppan keeke ele, ag doyeg!

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Aisaia 5:3

⌊Anam dayom amunu, da layal nug inam aum.⌋ “Ag danab ah Jerusalem daatteb, ag Juda danab ag Juda wanppa laih laih daatteb ele amu, ag appeg da doyei! Uug imu beum amu, aun nug eheɗ heum amunu uug amu beum? Date eheɗ hemi, o iitta dahil grep dad nug nukka eheɗ heumtai? Ag epeɗieg!

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Aisaia 59:8

Ag laa ele, maɗoɗ ele daaglagnu oolag ii maidtte. Ag aɗi aɗi hetteb ele amu, ag amu henana, ag nai doya mala hettoɗia epeɗia elele mettak kobol iinab dim lamidtteb. Ag ib kaliak ele aon oitteb. Auntai nug ag ele oitteb amu, nug maɗoɗ nakoknab laa iinab anidmana.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.

Jeremaia 19:3

Na inam akkut. ‘O Juda dilag king, amu Jerusalem danab ah ele ag Yawenu nai doyeg! Yawe Nukka Ɠagattag Oh Ele, Israel dilag Kayak, Nug inam atte. “Doyeg! Da heppi, uug naunab aben imuppa nekku. Danab auntai nug amu nekku dimppa, nug amunu nai dookku amu, nug eheɗ ottaikku.

Jeremaia 2:4

Anam amunu, O Jakop buɗub, ag Yawenu nai imu doyeg! Ao, ag Israel buɗub oh, ag ahilag aab ikki atten attenppa daatteb, ag nuhig nai imu doyeg!

Jeremaia 2:9

Ag amu heegeg uɗie, gemu ele hetteb amunu, da, Yawe, da ag naippa yaaladttem. Da amu heinne, da ag bekkalkad, am ag bekkalkad ele naippa yaaladkkul.

Jeremaia 25:31

Yawe Nug wan ohppan danab ah ag nau heppignu naippa yaaladkku amunu, bannu oqotti am wan atu ohppa daakku. Nug danab ah ohnab epeɗiatta, Nug heeb, nau hak danab ag qep elabppa mauhkkulag.’ ” Yawe Nug anam awa atte.

Jeremaia 34:4

Anam, amge O Juda dilag king Sedekaia, Yawe Nug nahipnu atte amu, na nai nuhig amu doye! Nug nahipnu inam atte. “⌊Na nakka na Babilon dilag king eppegppa na beɗun mekkut amu,⌋ na qep elabppa ii mauhmana.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Jeremaia 5:4

Da anam awoya, da dabmemi. “Danab ah imu ag Yawenu ib ii dootteb. Ao, ag Kayak Nug ag aɗi aɗi hekkulagnu ɗo mattom amu, ag ii dootteb. Ag ii dootteb amunu, ⌊da doottem,⌋ danab ah imu ag doyak amunu daɗek danab ah daatteb. Ao, ag am laa ag dabmak tutukku iitta ele bia daatteb.

Jeremaia 51:5

Aɗinu Babilon anam nena qena nauhkkulag? Kayak, Nug Yawe Nukka Ɠagattag Oh Ele, Israel dilag Kayak, Nug Israel, Juda ele uuata auta autanab ii awom. Laa amu, Babilon danab ah ag hipunin heegeg, Kayak, Nug Israel dilag Kayak Oppiaawak Ele, Nug nuhig neekkakppa ag beɗulagppa aab ambak daatte.

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Jeremaia 7:28

Anam amunu, na ag amelagppa inam appe doyeg! ‘Juda danab ah, ag Yawe, ahilag Kayak, ag Nug oɗe ii dim lamittegeg uɗie, gemu ele ii dim lamidtteb. Nug ag daulag bate, ag daug batak amu ii dabmeppig, ii dim lamidppig. Ag oolagppa doyak diig genabib ii daatte. Ao, ag oɗelagppa doyak diig genabibppanu nai laa ii bette.’ ” Yawe Nug da amelppa anam aum.

Jeremaia 9:20

Aria gemu, ag Juda ah, ag Yawenu nai imu doyeg! Ag daulag human, nuhig nai doon autna aweg! Ag ag aɗelkad qanaknu kobol ippunadppeppeg doyeg! Ao ag akka akka ag nai oo doyak ele mattiak laa nug ippunidnana doyeg!

Jeremaia 9:3

Amu Yawe Nug atte. “Danab nug lat doɗo latppa ette, amubia danab ah imu ag nai hambuppuak maditteb. Ag ahilag wanppa doyak diig genabibppa ɠagattag ii daatteb. Iitta. Ag hambuppuak naippa, hambuppuak kobolppa ele laa eɗidna daatteb. Ag hipunin laa hewona, ag ahan, laa ele hetteb. Ag da am Yawe, ag amunu dabmak nakok laa ii aotteb,” awa atte.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.

Esekiel 16:35

Anam amunu Jerusalem, na ib baag ah, na Yawenu nai doye!

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Hosea 12:3

Jakop nug ii menuak dayeye, nug awag ele nug mehqepiɗ. Amu nug danab okkai me, nug Kayak ele nug mehqepiɗ.

Hosea 5:1

Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Hosea 5:4

Israel buɗub ag kobol eheɗ henan daanna, ag eɗun, Kayak, ahilag Kayak, ag Nug waappa daaglagnu dabmak ii aotteb. Ao, ag am ah laa nug gamu uuitte, danab laa ele oittep, ag amubia duttunak doon hetteb, amunu ag Yawe dabmenan ii oitteb.

Joel 1:2

Ag ikki danab, ag nai imu doyeg! Yo, ag danab ah Juda wanppa daatteb, ag daulag human doyeg! Ag gemu daatteb ele amu, ahilag haenppa uug imu bia laa beumte? Ao, ag mamelkad aɗi daappig haenppa ele keeke imubia laa beumte? Iitta.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.

Jon 8:55

Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

1 Korint 15:34

Ag dabmak tutukku aona, ag hipunin tuɗidna aib heppig! Ag oolagppan laala ag Kayak ii dootteb. Da nai madittem imu, ag amunu uɗalag nelo am ena.

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.