Hosea 3:4 - Nobonob Baibel

⁴ ⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Hosea 3:4 ပူးပေါင်းရင်းမြစ်များ

Genesis 31:19

Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 31:34

Noa amu, peh lag amuppa ele Laban nug keeke oh elele neekkom, amge nug nuhikkud kayak hambuppuak dottolkad amu ii anattom. Aɗinu? Rahel nug mamegnu kayak hambuppuak dottolkad danab ag laulkadppa maatteg daatteb, nug dottolkad amu kamel gomeppa dayaknu keeke, ag amuppa keeke inatteb ele, nug amuppa inatta, qaɗeppa heɗep na dayom.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

2 King 23:24

Josaia nug danab ag danab mauhak ele gamag danab, mauhak ele mattiak danab amu, nug ag lamattom. Laa amu, nug kayak hambuppuak dottolkad danab ag laulkadppa maatteg daatteb, amu kayak hambuppuak dottolkad danab ag laulkadppa maatteg daatteb laala oh akke ukkom. Amu ohnu amu, Yawe nug ooppa uuaknab dootte, am Josaia nug amu oh Jerusalem appa, am Juda wan ohppa ele he ii daappig. Aɗinu? Nug Kayaknu ɗo nai oh, ɗo nai bukppa dayom, mana mettak danab Hilkaia nug buk amu Yawenu mettid lagppa anttom amu, nug ɗo amu oh dim lamidkkunu oo dayom.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Eksodas 28:4

Ag amu hekkulagnu amu, na ag amelagppa appe, ag momo tonaknu lamen, ag lamen enanag-epod, ag lamen elab, aria lamen nakok elab, ag igippan lamen, amu ag lamen imuagppa matagiɗ bia qagakkunu ele koitatteg! Ag mana mettak lamen Aronnu amu hewona, amu nug bekkod nid danab dilag ele geha hadappeg, ag Aron ele dahil mana mettak uɗat hekkulag. Lamen amu oh am hamu hamu maknu lamen iitta. Iitta. Ag dahilnu tituanak daatteb, Aron bekkod ele ag dahil uɗat hekkulagnu henana, ag takkaglag.

Eksodas 28:6

Amu lamen haknu danab ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, am muɗi golppa hak ele, ag muɗi amu aona, ag lamen enanag-epod heig! Lamen akkaknu amu, danab ag amu haknu doyak okkainab ele, ag amu hekkulag.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Esekiel 19:14

Gadon, anam daye, muɗi amu eppeg okkai laappanu aab aha, muɗi amu meu aakku he, iitta meum. Gadon, muɗi amuppa eppeg laippu laa, kingnu qakun daakkunu laa ii daatte, eppeg oh am gai-iitta.” Yawe Nug Esekiel nai amu mettom. Amu nai amuam nai oo doyak ele, amu laa nug Israelnu oo doyak dookku dayeb, nug nai imu edakkun daatte.

Esekiel 20:32

Amu Naɗi Yawe Nug atte. “Ag atteb. ‘Ig wanppan wan ohppan danab ah, ag kayak hambuppuak, dottolkad adppa hak, o menppa hak noolagppa dup nona binalag metteb ele, ig ag bia daat, anam hekkunignu oonig daatte,’ aon atteb, amge da heppi, ag amubia iinab hemana,” awa atte.

Esekiel 21:21

Aɗinu na anam hekkut? Babilon dilag king nug ukka ukka, ib oɗatleppa ta, nug baeg ya dayaya, nug ib atten dim lamitteb, nuhigppa enaib bekku dookkunu nug appa kayak hambuppuak oɗeppa nai dookkunu kobol digdig hekku. Kobol laa nug hekku am nug lat doɗoppa om yaakku. Laa amu, nug kayak hambuppuak dottolkad danab ag laulkadppa maatteg daatteb, nug ag oɗ madakku. Amu laa nug doɗ laa qa, nug gamag awa, gamag qaɗeppa nug attem hekku dookkunu ɠagattag neekkidkku.

Esekiel 21:31

Da ahilagnu oppoɗi bak eheɗ nau doottem amu, da bu eheɗ madakkul. Ao, da ool eheɗ nauhom, diig amuppa da eheɗ nau hadakkul. Da heppi, danab nau, ag laa guittak mattaglagnu oolag hette ele amu, ag uɗin aɗualadkkulag. Danab amu ag danab, keeke ele heppeg nauhkkulagnu doon autna aotteb.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Daniel 12:11

King laa nug aha, nug heeb, Israel danab ah ag deɗ oh doɗ mana, Kayak mettaknu mana mettak hekkulagnu elele iitta daappeg, nug keeke naunab laa, keeke amuam heeb nauhak bekkunu keeke, nug amu Kayaknu mettid lag, amuppa qabakku, haen nug amu hekku, haen amuppanu ukkeb ukkeb, deɗ 1,290 ukkeb, batakku.

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Hosea 13:10

Ahilag king amu, nug adeppa daatte? Ag padal memananu, nug ag ehanattaɗ! Aabppa danab okkai amu, ag adeppa daatteb? Ag Israel, ag danab am anam daaglagnu wagai mena, ‘Na king, anuqak danab ele mekke!’ appig, ⌊amunu, ag ag ehanatteg⌋!

Hosea 13:11

Ag anam appig amunu, da ool nauhehe, da ag king mattami. Ge, da oppoɗil be, da ahilag king eɗue aɗidmi.

Hosea 2:11

Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

Lewitikas 8:7

Nug lamen nakok elab awa, Aron nuhigppa aɗuitte no, lamen elab ele aɗuitte no, nug lamen imuagppa matagiɗ bia qakka, nug lamen enanag-epod nuhigppa ma, lamen imuagppa matagiɗ biappa qakkom.

Sekaraia 10:2

Kayak hambuppuak dottolkad danab ag laulkadppa maatteg daatteb, ⌊amu dilag eman danab⌋ ag nai hambuppuak danab ah madatteb. Ao, eman danab ag tulegleg danab ah ib hambuppuak ippunadtte anidna, nai maditteb. ⌊Danab amu⌋ ag tul niiak hambuppuak anidna, amu danab ah amelagppa amunu atteb. Ao, ag amu anidna, danab ah hambuppualadna, keeke oh enaib daakkunu maditteb, amge amuppa danab ah ag ehanittak genab ii aotteb. Ag amu hetteb amunu, danab ah dahilad ag amu dilag nai oolagppa genab doon, sipsip qettoɗna, hamu oitteb bia oitteb. Ao, sipsip ag sipsip gumak danab iitta ele ag mauhnoak oitteb, amubia dahilad danab ah ag gumak danab genab iitta amunu, ag uug digdig anidna oitteb.

Sekaraia 13:2

Yawe Nukka Ɠagattag Oh Ele Nug atte. “Deɗ amuppa da heppi, Juda wanppa danab o ah laippu laa nug kayak hambuppuak noobppa dup noa binag ii mema. Diig amunu amu, danab ah ag kayak hambuppuak laippu laa onignu ii dabmemana; oh am daulag atikku. Da heppi, propet ouɗi nau dilag ehanittakppa uɗat hetteb, amunu laippu laa, amu ouɗi nau amu oolagppanu laippu laa ele Juda wanppa iinab daama.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Hibru 10:26

Amu ig doyak diig genabib aot doyota, ig dootta hipunin baubau hettem dayeb amu, ⌊ig hetata⌋ ihinig hipunin uhuqaknu mana mettak laa ii anidmata.

Ikki Danab 17:5

Amu danab amu, Maika, nug mettid lag nakok ele, amu nug lamen enanag-epod laa ha, kayak hambuppuak dottolkad danab ag laulkadppa maatteg daatteb, nug amu ele hattom. Anam hewowa, nug bekka laa nug nuhig mana mettak danab daakkunu uɗat mettom.

Ikki Danab 18:14

Ag appa gona tena, danab tanig ele ag tatam lokkumakppa Lais atuppa gona italppig ele ag, ag laa amelagppa appig. “Uppa uma lag laappa amu, lamen enanag-epod laa, kayak hambuppuak dottolkad danab ag laulkadppa maatteg daatteb, kayak hambuppuak dottog laa adppa hoiyak, aria kayak hambuppuak dottog laa, silwappaib hak laa ele daatte amu, ag doottebte? Am ag attem haknu amu, ag dabmena hekkulag,” aon appig. ⌊Ag anam aeg amu, Dan danab ag kayak hambuppuak amu ele akkan gokkulagnu dabmeppig.⌋

Ikki Danab 8:27

Amu Gideon nug amu oh awa, nug gol amuppa nug lamen enanag-epod laa ha, bala metta, nug amu nug appag Opra, appa meum. Amge haen elab iitta, Israel ag Kayak ag Nug noobppa dup nona binag mekkulagnu ib ippuanattom dimettanna, ag lamen enanag-epod amu noobppa dup nona binag meppig. Keeke amuam Gideon, amu nuhigppan ele, ahilagppa pelem nau laa dayom.

1 Samuel 14:3

Aria, danab Saul ele daappig amu, ag oolagppan laa am Ahaiya, nug am mana mettak danab, nug lamen enanag-epod takkom. Ahaiya mameg am Ikabod awag Ahitup. Aa mamelah am Eli bekka Pinias. Eli am Yawenu mana mettak danab, Silo dayom. Danab 600 Saul ele daappig amu, ag oolagppan laa, nug Jonatan ukkom ii doyom.

1 Samuel 15:23

Aɗinu? Kayaknu nai tappe naknu am hipunin nau; eman hak bia. Beɗuppa tak kobol am ele hipunin nau; kayak hambuppuak dottolkad danab ag laulkadppa maatteg daatteb noolkadppa dup noa binag mak bia. Na Yawenu nai dim lamidkkutnu uume amunu, Nug king dayaknu ehah na eppenppa, na buɗunad eppelagppa ele daakkunu uutte,” awa aum.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 21:9

Dawit nug anam amegppa a amu, Ahimelek nug nob ma inam aum. “Pilistia danab, Goliat, na oolnu noak onig Ela, na appa nug qee mauhom amu, danab amu, nuhig qep elab ippa ina daatte. Qep elab amuam lamen laappa hautak, kunup laa, ag lamen enanag-epod kunup amuppa aihtteb ele amu, am kunup amu dimugppa daatte. Na aokkut dayeb amu, na aokkut. Aɗinu? Qep elab laal ii daatte.” Ahimelek nug anam aum. Ahimelek anam a amu, Dawit nob ma amegppa aum. “Da meɗe! Qep elab amubia laa iitta!” awa aum.

1 Samuel 22:18

Saulnu gumak danab ag mana mettak danab ameg amu aqaglagnu uueg, King Saul nug Doeg amegppa aum. “Na ahan, aqappe mauheg!” awa aum. Nug anam a, Doeg, nug Edom ted, nug aha, aqe mauhppig. Nug deɗ amuppa danab 85 aqom; ag oh am mana mettak danabib daappig.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

1 Samuel 30:7

Dawit nug anam haaha, nug Ahimelek bekka, Abiatar, nug am mana mettak danab, nug inam amegppa aum. “Lamen enanag-epod aon uɗie!” awa aum. Nug anam a, Abiatar nug awa uɗiom.