Hosea 3:2 - Nobonob Baibel

² Yawe Nug anam aum amunu, da ah dahil, da nuhignu 170 gram silwa, amu 250 kilogram bali ele, amuppa da daden mein, eɗue aomi.

Hosea 3:2 ပူးပေါင်းရင်းမြစ်များ

Genesis 31:41

Maɗ 20 amu da na lautppa daami. Maɗ amu ooppa, maɗ 14 laa amu, da na aɗenaɗ diiatkkulnu nahip uɗat hemi. Maɗ eblaih laippu ele laa amu, da doɗ imu nahip doɗ amegppanu diiadkkulnu nahip doɗ gumak uɗat hemi. Anam aakku, amge na dahil uɗat nob amu haen 10 baolime.

Eksodas 22:17

Amge ah mameg nug danab amu nug aɗeg aokkunu uuak dookku dayeb, nug danab amunu, ‘Nug iinab ii aoma,’ ab amu, danab nug ah amu, nuhigppa eheɗ heum amu, nug ah amu mameg nug aokku bia ahnu en mettaɗ! Danab ag ah, o nid ahin bau, danab ele ii niipiɗ ele daden metteb, nug melemel amuppa nug enub medakku, amge ah amu nug nug wau ii daama.

Aisaia 5:10

Haen amuppa muɗi grepnu dad okkai am geha grep meulkad huanak, kuɗum ii oma amunu, geha wain nakokib aoglag. Ag ee aeg battam 10 eppaglag, am geha ee aeg meu ob, ag battam laippu inaglag,” awa aum.

Esekiel 45:11

Na le o kalu, na keeke amubianu okkai dookkutnu dabmenana, na ‘homa’ dabmekkut. Na, ‘Epah,’ o ‘bat,’ eblaih laih ele aon, ‘homappa’ gokkaɗkkut dayeb amu, ‘homa’ ambak daakku.

Hosea 3:3

Da anam hein amu, da nug amegppa ami. “Gemu na dahilnuib daakkut. Na ib baag ah ii daakkutoitte; na danab laa ele ii niimna. Da nahipnu ele anamib daakkul,” awe ami.

Lewitikas 27:16

Am aun laa nug wan maha laa, nug wan amu nug mameg eppegppanu nug aug daakkunu awom amu, nug Yawenu tituana medakku dayeb, mana mettak danab nug wan amu daden maknu men doɗo gane anidkkunu amu, nug wan amuppa bali ebakku amu, nug bali aeg kilogram gane tauɗkku amu dabmekku. Danab nug wan maha amuppa 20 kilogram tauɗkku dayeb amu, nug wan amu en mettakppa uhuqkkunu 600 gram silwa mekku, ⌊o nug bali aeg 40 kilogram tauɗkku dayeb amu, nug wan amu en mettakppa uhuqkkunu 1.2 kilogram silwa mekku⌋. Nug anam anam dabmekku.

Rut 4:10

Laa ele, Moap ah Rut, nug gamu Malon mauhom amu, da nug dahil ah daakkunu ele aomi. Kobol amuppa amu, Malon buɗub iitta ii mema, amu nuhig wan ele ag eppelagppa daakku. Malon onig am aab imunu bukppa iitta ii mema. Ag aakku gemu amu anidna malappig,” awa aum.

1 Samuel 18:25

Ag Saul amegppa anam aeg, Saul nug he, ag Dawit amegppa akkulagnu eɗun goppig. Ag nug amegppa inam akkulagnu aum. “Aɗeg daden en amu, king nug keeke laalanu oo ii daatte. Iitta. Nug inamnu oo daatte. Geha na gona, Pilistia ban danab 100 aqappe mauhppeg, geha na hipalag gaɗa amu otaɗadna, akkan Saul toppa uɗie, amu geha ah daden daakku. King nug Pilistia ag kobol nau kuɗum ig Israel ihinigppa heppig doya, nug Pilistia ag amunu nob nau aoglagnu laa amu, ag anam mauhkkulagnu oo daatte.” Saul nug ag Dawit amegppa anam akkulagnu aum, amge Saulnu dabmaknab am, “Geha Pilistia ag banppa Dawit qeppeg mauhkku,” dayom.