Hosea 3:1 - Nobonob Baibel

¹ Aakku Yawe nug da Hosea, da amelppa aum. “Danab laa nug na waatnu oo hette, nug nug ele oittep. Na waat nug am ah ewau pakkua gappai hette me, na nug omalna, nagatop uɗin, na nuhignu oot mauhaɗ! Da Yawe, da Israel danab ah ag kayak laala noolagppa dup nona binalag metteb, ag keeke ena ena kayak amu ahilag daakkunu hamu madatteb me, da Israel dilagnu ool mauhtte. Aakku, da hettem bia amu, na waatnu oot mauhaɗ!”

Hosea 3:1 ပူးပေါင်းရင်းမြစ်များ

2 Samuel 6:19

Nug anam hewowa, nug Israel danab oh, ah oh ele appa daappig ele am anen anen oh bret batappatak laippu, det meu qaɗaiettak batappatak laippu, grep meu qaɗaiettak batappatak laippu ele mattom. Nug matte, danab ah oh ag ahan, lakka goppig.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

1 Stori 16:3

Nug amu ha mala, nug Israel danab ah oh ele daappig, nug ag oh anen anen, bret batappatak laippu, ad onig det meu qaɗaiettak batappatak laippu, grep meu qaɗaiettak batappatak laippu ele ag mattom.

Nehemaia 9:31

Amge O Kayak, na oo bodoette enanag maɗoɗ ele hak kobol dim lamidna, na danab ah dilagnu oo gai-iitta doya oo matta ehanittak kobol ele dim lamidttem amunu, na ig mamenkad aɗi dilagnu oot gai-iitta doon oot mattan ehanadna, na hee, ag ii padal meppig; na ag ii uuatte hamu daappig.

Sam 123:2

Begbeg maɗi nid ag ahilkad okkai eppelkadppanu, ag ee, keeke laala ele bau daaglagnu aoglagnu dabmetteb. Ao, maɗi nid ahin ag ahilkad ah okkai ag ee keeke madappeg, bau daaglagnu dabmetteb. Amubia ig Yawe, ihinig Kayak, Nug ihinignu oo gai-iitta doya oo mekka ehanigkkunu ameg mettem.

Eksodas 32:6

Nug anam a, wagɗe deɗ amuppa amu, danab ah ag manaknu ofanu doɗ manadna, ⌊dottog amu⌋ mettona, ag laippu dayaknu ofanu doɗ ele manadna ⌊dottog amu⌋ medappig. Danab ah ag ofa amu mettona, ag ee, le ele lawona, ag ahan gona, ahi uɗa nak ele goɗappig.

Solomonnu Ahi 2:5

Da nug amegppa ami. “Da nahipnu ool huana mauhe, beɗul gai-iitta meum amunu, da eɗuen ɠagattag daakkulnu na grep meu qaɗaiettak batappatak meɗappe lai! Ao, da eɗuen, ena dookkulnu, na apel ad meu laa meɗappe lai!” awe attem.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Jeremaia 3:20

Da anam dabmemi, amge iitta. Ag Israel buɗub oh, ag da ippunadmi bia da dim lamiɗkkulagnu uun heppig. Ag ah laa nug gamu uuitte, danab laa ele oittep bia heppig. Da Yawe, da anam aakku attem,” awa aum.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Hosea 2:5

Ag anilag nug laa ele oiyya, ag menuattom; ag anilag nug nid amu uɗa nak nau guittak ele kobolppa nug oo noum. Ag anilag nug aum. ‘Da geha danab laala, da ahilagnu ool hette amu, da ag ele niignig. Da geha ag ele niitta, ag geha da ee, le ele, lamen sipsip uɗigppa hak, linenppa hak ele, olip goɗen, amu wain ele meɗaglag.’ Nug anam aum.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Hosea 7:5

King binag maknu qagmak gamag ahak elenu deɗppa, king bekkod ag wain laegeg, kaaka aqatte, king nug awa awa qettak danab ele oitteb.

Amos 2:8

Ag laa dilag lamen, lamen amuam keeke lonnu onig awak daatte, ag tueb eɗun, mameg mettalob amu, ag lamen amuppa niitteb. Ag ahilkad kayak hambuppuak binalag menana, ahilkad qaɗab oh daugppa amu hetteb. Ao, ag danab hettoɗiakppa mena, ag eppelagppanu men doɗo aon, ag men doɗo amuppa wain aon, ag ahilkad kayak hambuppuak laulkadppa wain amu latteb.

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Sekaraia 1:16

Diig amunu amu, Yawe Nug inam atte. “Da Jerusalem danab ah dilagnu, ⌊Juda laa oh dilagnu ele⌋ ool gai-iitta doye, ool matte ehanadkkulnu eɗuen uɗimi. Da heppi, danab laa ag dahil mettid lag eɗun bappaidna, Jerusalem ele eɗun bappaidkkulagnu dabmak aoglag.” Yawe Nukka Ɠagattag Oh Ele Nug anam atte.

Matyu 26:50

Nug anam ootuqitte amu Jesus Nug amegppa aum. “O lai, aɗinu na uɗin, ippa ina daattem?” awa oɗ mettom. Jesus anam a, danab ag Jesus aɗappig.

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 10:7

Israel oolagppan danab laala heppig bia, ag kayak hambuppuak aib dim lamidppig. Kayak naippa, nai amunu inam daatte. “Danab ah ag ee, le ele lawona, ag ahan gona, ahi uɗa nak ele goɗappig.”

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.