Hosea 2:8 - Nobonob Baibel

⁸ Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Hosea 2:8 ပူးပေါင်းရင်းမြစ်များ

1 Stori 29:16

O Yawe, ihinig Kayak, na keeke okkai imu ig nahip mettid lag, na onin oppiaawak aguppa daakkunu, ig lag amu hekkunignu iikku mettamut amu, keeke amu oh am na eppenppanu aomut. Am nahip keekeib.

Job 19:8

Kayak Nug da ib enappa oikkulnu ib oɗe oo ne, da appa gokkulnu elele iitta. Ao, Nug he, da ippul am gatatuib daatte.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Jeremaia 7:18

Nid naunau ag aab ilaknu aab aoegeg, ag mamelkad ag aab ilaeg, ah ag bret batappatak kayak hambuppuak laa onig Habnu Kuin, ag main nug mettaglagnu bappaidna medatteb. Ag da oppoɗi bekkunu wain gokkaɗaknu ofa kayak hambuppuak laala dilagppa hetteb.

Esekiel 23:41

Na anam hena, na sia enanag amuppa appa daan he, laa ag balal laa na noomppa babaitteg, na appa kalu danab ile muttuɗig enanag bette dahil, dahil goɗen ele meme.

Daniel 3:1

Amu dimppa am Nebukatnesar nug he, danab ag dottog laa, dottog amu elab nuhig am 27 mita, emaitak nuhig am 3 mita, ag dottog amu okkai naɗi heppig. Ag hena, ag uɗem naɗi onig Dura, Babilon prowinsppa dayom, ag appa qabappig.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Hosea 13:1

Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Hosea 13:2

Gemu amu, ag tuɗidna, hipunin henan henan daatteb; ag kayak hambuppuak dottolkad danab ah ag amu noolagppa dup nona binalag mekkulagnu silwa ahilagppa hetteb. Ag dottolag amu eppelagppa kobol kobol ele hattana autna aotteb. Ao, danab uɗat amu haknu doyak okkai ele, ag dottolkad amu oh hetteb. Am danab ah laala ag Israel danab ah dilag atteb. “Ag nid naunau ahilkad manan, kayak hambuppuak mattanna; ag makau gaiɗ dottolkad eppelagppa hadappig, ag ag ootuqadtteb,” aon atteb.

Hosea 2:5

Ag anilag nug laa ele oiyya, ag menuattom; ag anilag nug nid amu uɗa nak nau guittak ele kobolppa nug oo noum. Ag anilag nug aum. ‘Da geha danab laala, da ahilagnu ool hette amu, da ag ele niignig. Da geha ag ele niitta, ag geha da ee, le ele, lamen sipsip uɗigppa hak, linenppa hak ele, olip goɗen, amu wain ele meɗaglag.’ Nug anam aum.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Hosea 8:4

Israel danab ah ag da oɗel ii aon, king tituantteb. Ao, ag da oɗel ii aon, ag anuqak danab ele otialadtteb. Ag ahilkad gol, silwa ele akkan, amuppa ag ahilkad kayak hambuppuak dottolkad hadatteb; ag amu heppigppa ag akka ahilag dayak loppaɗtteb.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Luk 15:13

Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.