Hosea 2:16 - Nobonob Baibel

¹⁶ Amu deɗ laa uɗieb, nug geha dahilnu, ‘Gumitta danab uɗat ɠagattag meɗatte,’ anak uua, nug dahilnu, ‘Da gamul’, akku.

Hosea 2:16 ပူးပေါင်းရင်းမြစ်များ

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Jeremaia 3:14

O Israel danab ah, ag da dimeɗona kayak hambuppuak laala dim lamadppig ele, da Yawe, da ag amelagppa attem. Ag eɗun, dahilppa uɗieg! Aɗinu? Ah nug gamunu daatte, amubia ag am dahilad daatteb. ⌊Ag eɗun, dahilppa uɗiglag dayeb,⌋ ag oolagppan aab anen anennu laippu da nug tituane, omalen, Sion uɗikkul. O ag oolagppanu aab ikki anen anennu aɗit laa da tituanate, da omalatten, Sion uɗikkul.

Esekiel 20:35

Ge, da omalatten, wanppan wan laala dilag atu taɗakppa goppi, ag appa da noolppa daappeg, appa da ag epeɗiadkkul.

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

Revelesen 19:7

Gemu ig maɗoɗppan gamag ahak doot, binag amahlak oppiaawak metu! Aɗinu? Sipsip Nag Nug nuhig ah aokkunu haen aakku beum, amu ah nuhig nug ha, nug amunu babaittak daatte.

Ikki Danab 19:3

gamu nug maɗi nid laa awa, donki aɗit laa ele diia, Betlehem ukka, ah amu eɗua uɗikkunu oɗ medakkunu ukkom. Haen nug ah mameg laugppa te, ah nug omala, lag ooppa no, mameg nug gamag ahak ele danab amu nug ele laippu dayaknu ooppa eleleib doyom.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.