Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hosea 2:11 - Nobonob Baibel

11 Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

အခန်းကိုကြည့်ပါ။ ကော်ပီ




Hosea 2:11
17 ပူးပေါင်းရင်းမြစ်များ  

Jeroboam nug ele qagmak gamag ahak elenu deɗ laa tituanom. Nug kalam ebqak eblaih ewam ele, kalam amunu deɗ 15ppa, nug qagmak gamag ahak ele amunu deɗ tituanom. Amuam Juda dilag qagmak gamag ahak elenu deɗ, amubia. Deɗ amu haenppa king nug Betel appa qaɗabppa mana mettak heum. Mana mettak amuam nug Betel appa heum, amge nug makau gaiɗ aɗit golppa hak oh dilahnu doɗ manatta matattom. Nug Betel appa mana mettak amu ha, nug mana mettak danab ag kayak hambuppuak dilag mettid lag nakok, nug babaittom ele, ag amu gumadkkulagnu appa ele baɗ mattom.


Ag amu ii hemananu diig am, Yawe Nukka Ɠagattag Oh Ele, Israel dilag Kayak, Nug amunu inam atte. “Ag Juda gemu daatteb, ag bau daanna, ag noolagppa da heppi, ewau matulak awaknu gamag ahak, gamag ahak laa oh ele Juda wanppa ii daama.


Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.


Da heppi, Juda wan am hele-ettak daakku amunu, Jerusalem appa, Judanu aab laa ohppa ele oo gamag ahak laa ii daama. Danab ah ele ag oo gamag ahak doon, ewau matulak ii aomna.” Yawe Nug anam awa atte.


Amu da Yawe, da heppi, ag Tair danab ah ag baula muttub qenan, ahi ii ettamna. Ag baula harp-ppa ahi ii qemana.


⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.


Danab ah Israelnu, Judanu ele ag Yawe ippuanattom bia Nug dim lamidkkulagnu uun hetteb. Aɗinu? Ag ah laa nug gamunab iitta ele nid menuattom, ag nug bia daatteb. Israel, Juda danab ah ele ag kayak hambuppuak dilagnu dup nona binalag meppig amunu, haen elab iitta, ag nauhna, ahilag en ele iitta mekkulag.


Ahilag uɗat oh am hamu; ahilag wan heeb, ee meu ii oma, ad ele meu ii oma.


Yawe atte. “Ag hobul da ag hekkulagnu ami amu, ag hetteb, amge ⌊ag hambuppun hetteb⌋ amunu, da nau ninig ele doottem. Ge, da amunu ena iinab doottem Ag da onilppa qagmak okkai hetteb, amge ⌊ag hambuppuna heeg,⌋ da qagmak okkai amunu amu, da nau aakkuib doottem.


Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.


Ag akka ag inam atteb. “Kalam baunu qagmak gamag ahak ele imu paha iitta meeb, ig gota, ig ee daden maknu abenppa laa daden mekkulagnu ee mekkunignu oonig hette,” aon atteb. Ao, ag, “Ig Sabat imu iitta meeb, ig gota wit dadennu mekkunignu oonig daatte,” aon atteb. Ag maket henana, ag doonna skel eheɗppa uɗat heeg, keeke danab aotteb ele am happiak, elele ii aon, men doɗo amunu awaknu ele, eleleppa ii aotteb. Iitta. Ag men doɗo attan tak mattan aotteb.


Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ