Hosea 2:10 - Nobonob Baibel

¹⁰ Amu da heppi, ag anilagnu gappai heeb baknu kobol heum amu, danab oh ag nug ele niippig, ag amu miag atiak anidna ⌊ameg iɗuak dooppeppeg, danab laa oh ele, ag ele anamib dooglag⌋. Da anam heppi, danab auntai laa ag nug ehanidkkunu laa ii daama.

Hosea 2:10 ပူးပေါင်းရင်းမြစ်များ

2 Stori 24:7

Am laa ah nau Atalia, nuhikkud huu ag anukka Kayaknu mettid lag loppaɗna, ooppa wana, keeke laala heeg nauhe, ag keeke Kayaknu tituanak daatte ele aon, kayak hambuppuak Bal iɗu iɗu binag maadkkulagnu aon goppig amunu, ⌊Joas nug ag lag amu eɗun bapaidkkulagnu tappaɗattom⌋.

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Aisaia 3:17

Anam amunu, geha Naɗi Nug heeb, Sion ah ag ikkilkad oh ihi medakku. Yo, Yawe Nug heeb, ikkilag uɗug oh mumuɗeb ukkeb, iitta mekku.

Jeremaia 13:22

Amu uug okkai amu beeb, haen amuppa ag akka akka ag, “Aɗinu nau imu ihinigppa beum?” ag oɗmak amu hekkulag dayeb amu, ag oɗmak amunu nob am iikkude doyeg! Ag hipunin huanak heppig amunu, laa ag ah gamu uuitta, laa ele oittep, ag nuhig lamen pattiɗna aoeg, beɗu miag daatte, ag beɗulagppa kobol amubia ahilagppa beum.

Jeremaia 13:26

amunu, laa ag ah eheɗ heum ele uɗa nak dookkunu ag nuhig lamen aɗaeg te, beɗu miag daatte, da laa ag Juda ag eheɗ heppignu miag anidkkulagnu, da ag uɗa nak madakkul.

Esekiel 16:16

Lamen laala da mettami amu, na lamen amu aon, kayak hambuppuak mettid lag nakok amuppa bappaidna autna aona, appa na danab ele niippig. Kobol nau amu ii belo, amge na aakku heme. Kobol amuam danab ah oolagppa iinab daalo, amge na aakku heme.

Esekiel 16:19

Da ee mettami, amu plaua enanag, olip goɗen, amu uppuh leppu ele, da ee amu na lakkutnu mettami, amge na aon, kalu danab ile muttuɗig enanag bette bia main, kayak hambuppuak amu mattame. Na anam aakku heme.” Naɗi Yawe Nug anam awa atte.

Esekiel 23:29

Ag nahipnu nau ninig ele doon, ag keeke oh na nahip daakkunu uɗat henan aome amu, ag aoglag. Ag heppeg, na beɗun miag hamu dayebeb, na ib baag ah kobol nau dubuttid ele henan daame amu, danab ah oh ag amu anidkkulagnu elele daaglag. Na gappai heeb baknu kobol dim lamidna, danab kuɗum ele niippig

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Hosea 13:1

Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Hosea 2:3

Am nug nau hak amu ii uukku dayeb amu, da geha nug bu naunab medakkul. Da heppi, nug bam iitta daakku. Ao, da heppi, nug anig ooppanu bam iitta doum bia daakku. Da heppi, nug atu taɗak bia daakku. Ge, da heppi, nug atu, le iitta, qaɗaietta auta autanab aotte, nug amubia daakku. Da heppi, nug le baag eheɗ diieb mauhkku.

Hosea 6:9

Danab ag ban hena, danab ah aqan, ahilag keeke aɗadkkulagnu atu daugppa lokkumna daatteb bia, mana mettak danab ag oohona, Sekemnu ib ukkakppa danab makkuɗatteg mauhtteb amunu, ag eheɗ naunab nau hetteb.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.