Hosea 13:9 - Nobonob Baibel

⁹ O Israel, ag nauhkkulag. Aɗinu? Ehanittak ahilag am daib, ⌊amge ag uuiɗppig⌋.

Hosea 13:9 ပူးပေါင်းရင်းမြစ်များ

2 Stori 28:23

Amu Aram ag uɗin, Ahas eɗitteg, Ahas nug inam dabmeum. “Aram danab ag kayak laa noolagppa dup nona binalag metteb. Kayak amu ag Aram dilag king ehanatteg, Aram ag da eɗilppig amunu, da doɗ manen, kayak amu madappi, ag da ehaniɗkkulag,” dabmeum. Ahas nug anam dabma, nug doɗ manatta, Aram danab dilag kayak mattom. Ahas nug ib amuppa ehanittak awaknu dabmeum, amge iitta. Kobol nug heum, kobol amuppa nug, Israel laa oh ele ag nena qeppig.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 33:20

Ig Yawe, Nugib heeb, keeke ena bekkunu dabmak aɗat daat, Nug ameg meta daattem. Ao, Nugib am ihinig ehanittak, ihinig guppiɗ ele daatte.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 5:25

Amu ag anam dabmelob, Yawe heeb, keeke elele aolob, amge ag ahilag eheɗ hak he, Yawe Nug gu he ii ne, ag ee ele ii aotteb. Ao, ag hipunin heegeg, hipunin amu ag heeg, ag keeke ena ena ele ii aotteb.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Hosea 14:1

O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Hosea 7:15

Da ag attem hekkulagnu ippuanatte, ɠagattag aqami me, ag gemu dahilnu eheɗ hena dimeɗatteb.

Malakai 1:12

Amu Yawe Nukka Ɠagattag Oh Ele Nug atte. “Anam amge ag da Yawe, ag dahil qaɗabnu, ‘Am dubuttid tak ele,’ anana, ag ee amuppa manan, da meɗaglagnu, ag ee amunu, ‘Am keeke hamunab, ig pehettak dabmekkunignu keeke iitta,’ anana, ag kobol amuppa ag da Yawe, ag dahil qaɗab am keeke hamu bia doon, laa amu ippunadtteb.

Malakai 1:13

Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!

Malakai 1:9

Amu Yawe Nukka Ɠagattag Oh ele Nug atte. “Ag Kayak, ag Nug oo bodoette enanag maɗoɗ ele hak kobol ihinignu dim lamidkkunu ii daye daye oɗ metteg! Ag anam hekkulag, amge ag mana mettak anam aon wappeg amu, Nug ag iinab ehanadma,” awa atte.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.