Hosea 13:2 - Nobonob Baibel

² Gemu amu, ag tuɗidna, hipunin henan henan daatteb; ag kayak hambuppuak dottolkad danab ah ag amu noolagppa dup nona binalag mekkulagnu silwa ahilagppa hetteb. Ag dottolag amu eppelagppa kobol kobol ele hattana autna aotteb. Ao, danab uɗat amu haknu doyak okkai ele, ag dottolkad amu oh hetteb. Am danab ah laala ag Israel danab ah dilag atteb. “Ag nid naunau ahilkad manan, kayak hambuppuak mattanna; ag makau gaiɗ dottolkad eppelagppa hadappig, ag ag ootuqadtteb,” aon atteb.

Hosea 13:2 ပူးပေါင်းရင်းမြစ်များ

1 King 19:18

Ag mauhkkulag, amge da heppi, Israel ooppa danab 7,000, da ag aɗualatti, ag dahilad daatteb. Danab amu ag kayak hambuppuak Bal noobppa dup ii nona binag ii meppig; ag nug onig okkai mettaglagnu nug dottog ele ii ootuqidppig,” awa aum.

2 Stori 28:13

Ag appig. “Ag danab ah imu aɗualatteg daatteb ele amu, ag danab ah amu Samaria ooppa diin ii uɗiglagoitte. Aɗinu? Ag amu hekkulag dayeb, Yawe Nug ig beɗunigppa hipunin amunu aab anidkku. Aab naɗi ig beɗunigppa gemu daatte; Yawe Nug ig Israel, ihinignu oo nauhak huanak aakku dootte amunu, ag hena, ig Israel, ig Yawe noobppa hipunin kuɗum hemut daattem, ag hipunin ig beɗunigppa daatteb, ag laa ele tuɗidppeg, kuɗumnab daaglagnu hettebte?” aon appig.

2 Stori 33:23

Amon nug mameg heum bia anam heum, amge nug mameg Manase, nug uug nau doya, nukka Yawe noobppa nug onig qe neum, amu Amon nug anam ii heum. Iitta. Nug he, nug beɗuppa aab tuɗittak, okkai dayom.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.

Aisaia 44:11

Danab ag amunu doyak ele, ag dottolkad amu hetteb ele amu, ag oh uɗalag nekku. Danab ag uɗat amu haknu doyak okkai ele, ag danabib. Ag akka akka ehanadnana, ɠagattag daaglagnu ag qagmena, laippu dayeg! Ag anam hekkulag, amge Yawe Nug heeb, ag nena qena, ag uɗa nak nau doon, ag eheɗ nau baɗaglag.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Aisaia 46:8

⌊Kayak hambuppuak ag anam daatteb, amge da am anam iitta amunu,⌋ ag danab ah ag da waalppa ii daan, dahil nai tappaeg ne oitteb ele, ag imu daulagppa dob, ag aɗan, tutukku dabmenan oiyeg!

Jeremaia 10:4

Laa uɗat amu hetteb ele ag hoin malona, ag silwa, gol ele aon, bala medatteb. Ag amu henana, ag dottog amu uɗalmanu ag ad laa bitob ma daakkunu aon, dottog amuppa tutuippa qataqetteb.

Jeremaia 10:8

Amu oh ag kayak hambuppuak dottolkad adppa hak, ag amuppa ippunittak aotteb amunu, ag am kaaka. Ag dabmak tutukku iitta ele.

Jeremaia 8:5

Anam amunu aɗinu Juda danab ah ag ib eheɗ aon gonana, ag eɗun, dahilppa uɗiglagnu uutteb? Ao, aɗinu Jerusalem danab ah ag hanhan da dimeɗona kayak hambuppuak laala dim lamadna, ag eɗun, dahilppa uɗiglagnu uun, ii uɗitteb? Ag hambuppuak kayak aɗualadna, uuattak uun autna aotteb. Ag eɗun, dahilppa uɗiaknu uun, ii uɗitteb.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Hosea 10:5

Am danab ah Samaria daatteb ele ag kekeɗ uɗin, makau gaiɗ dottog golppa hak, Bet Awen appa daatte amu, ag uɗin, dottog amu ahilag wanppanu aon gomananu baɗan daatteb. Amge kekeɗ ag uɗin anam hekkulag amunu, kayak hambuppuak amu dilag mana mettak danab, danab ah laa ag dottog amu dim lamidtteb ele, ag geha nuhignu oolag dookku. Ge, danab ah oh ag dottog amu, nuhig neekkak enanagnab ele, ag amunu gamag ahak okkai dooppig, gemu ele hetteb amu, haen kekeɗ ag appalagppa maon gobeppeg, ag diig amunu geha oo doyak aoglag.

Hosea 11:2

Da amu hewoya, haen kuɗum laa ele da ⌊propet oɗelagppa⌋ Israel danab ah ag uɗin, da dim lamiɗkkulagnu onilagppa emi; amge ag da anam heiyi, ag da oɗel ii doon, ag da dimeɗan, uuiɗna tuɗidna umanab goppig. Dahilad danab ah ag doɗ main, kayak hambuppuak Bal iɗu iɗu madappig. Ao, ag kalu danab ile muttuɗig enanag bette ele ahilag kayak hambuppuak dottolkad binalag mekkulagnu main medappig.

Hosea 11:6

Geha ahilkad kekeɗ ag aab okkai ahilkadnu aɗnu od manak qaknu keeke loppaɗadppeg neppeg, aab ooppa nona, ban hena danab ah aqaglag. Geha danab ah ag aɗi hekkulagnu maidppig amu, ag hekkulagnu elele iitta daaglag.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hosea 2:8

Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Hosea 4:17

Israel danab ah, ag kayak hambuppuak dottolkad noolagppa dup nona binalag mekkulagnu oolag okkai daatte; ag gumadna, aib goppig!

Hosea 8:4

Israel danab ah ag da oɗel ii aon, king tituantteb. Ao, ag da oɗel ii aon, ag anuqak danab ele otialadtteb. Ag ahilkad gol, silwa ele akkan, amuppa ag ahilkad kayak hambuppuak dottolkad hadatteb; ag amu heppigppa ag akka ahilag dayak loppaɗtteb.

Hosea 8:5

O Samaria danab ah, ag makau gaiɗ dottog heppig, ag amu buɗippeg ukkaɗ! Israel dilagnu amu, da ahilagnu oo nauhak okkainab doottem. Ag beɗulagppa aab iitta ele daaglagnu elele iitta; amu haen gane laa ele ukkeb, ag anamib daaglag?

Hosea 8:6

Israel danab ah oolagppan danab uɗat amu haknu doyak okkai ele nug eppegppa makau gaiɗ dottog amu heum. Amuam Kayak iitta! Diig amunu geha danab ag loppaɗppeg, Samaria dilag makau nag dottog amuam qatti qatti nekku.

Namba 32:14

Amu gemu daatteb ele imu ag, ag am hipunin danab bekkod; ag amu, ag mamelkad heppig bia hetteb. Kobol ag hetteb, amuppa ag heeg, Yawe Nug Israel dilagnu tuɗid, oo huanak nauhtte.

Rom 11:4

Nug anam a amu Kayak Nug nai nuhig attem nob meum? Kayak aum. “Da danab dahilad 7,000, ag hambuppuak kayak onig Bal, ag nug noobppa dup ii nona binag ii meppig ele amu, da ag aɗualatti, ag dahilad daatteb,” awa aum.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.