Hosea 13:16 - Nobonob Baibel

¹⁶ Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Hosea 13:16 ပူးပေါင်းရင်းမြစ်များ

2 King 15:16

Haen Menahem nug nuhikkud huu ele ag Tirsa uun, Samaria gokkulagnu gonana, ag gona Tapua aabppa teppig. Teppig, amge Tipsa ag Menahem, nuhikkud huu ele aab ahilag ooppa nokkulagnu uuppig amunu, Menahem, nuhikkud huu ele ag ban hena, aab ahilag amu heeg nauha auta awe, appanu danab ah am aqan, aab laala Tipsa guguittak daatteb, appan danab ah ele aqan, ah oolkad ele amu diin, oolag oppateg mauhppig.

2 King 17:18

Aakku Yawe Nug Israel dilagnu oo huan nauhe, Nug he, ag Nug noobppa ii daappig. Israel dilag huu okkai Juda, agib am ahilag wanppa daappig.

2 King 17:5

Asiria dilag king Salmaneser nug ban danab nuhig diie, ag gona, Israel wan ohppa ban heppig. Ag amu hena gona, Samaria aab okkaippa tena, aab amu maɗ ewam oo mattan aqaknu maadna daappig.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 8:12

Elisa nug anam gaye, Hasael nug antta, nug Elisa oɗ mettom. “Danab okkai, na aɗinu gaattem?” oɗ mettom. Oɗ mette amu, Elisa nug nob ma inam aum. “Da gaattemnu diig am, da doottem, geha dimppa na kobol nau kuɗum, Israel danab ah dilagppa hekkut. Na geha Israel dilag aab ɠagattag aɗ ele loppaɗna, manadppe ewebeb, Israel nid bau amu, na qep elabppa aqappe mauhppeppeg, na nid naunau aɗualadna, huana buɗiadppe, wanppa nona mauhadppeppeg, na ah oolkad ele anadna, na qep elabppa oolag oppatadppe mauhadkkulag,” awa aum.

Aisaia 13:16

Danab ah ag hippaidna neekkadna daappeg, ban danab wan laappan ag geha Babilon danab ah bekkalkad yuɗ, aɗelkad yuɗ ele aɗualadna, buɗiadppeg, wanppa noppeg, geha ag beɗulag oh aoɗeb, hupu hupu nekku. Ban danab ag geha danab laulkadppan keeke akkan gona, danab waalkad aɗualadna, ahilagppa eheɗ hekkulag.

Aisaia 17:3

Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.

Aisaia 8:4

Aɗinu? Haen nid amu nug oɗe oppateb, ‘Mama, anai,’ ii aabob amu, Asiria dilag king, nuhikkud daup ele ag uɗin, aab okkai Damaskusnu keeke ena oh akkan aon, aab okkai Samarianu ele akkan aon gokkulag,” awa aum.

Hosea 10:2

Israel danab ah ag hambuppuak danab ah daatteb; ag eheɗ hetteb amunu, ag bu aoglagoitte; Yawe Nug geha kayak hambuppuak dilag qaɗab loppaɗatta; Nug men gappi ahilag ele maduduɗeb nekkulag.

Hosea 11:6

Geha ahilkad kekeɗ ag aab okkai ahilkadnu aɗnu od manak qaknu keeke loppaɗadppeg neppeg, aab ooppa nona, ban hena danab ah aqaglag. Geha danab ah ag aɗi hekkulagnu maidppig amu, ag hekkulagnu elele iitta daaglag.

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Amos 3:9

Laa nug Pilistia dilag danab okkai, am Isip dilag danab okkai ele, nug amu oh amelagppa inam ab doyeg! “Ag ahan uɗin, qauko Samaria guguittak daattebppa qagmen daan, ag Israel danab ah ag maɗoɗ iinab daan, ag akka akka, ag laa eheɗ hadatteb ele antteg!” Laa nug anam ab doyeg!

Amos 9:1

Da, Amos, da Naɗi Nug qaɗab guguittak dayeye anitti, Nug da amelppa aum. “Na lagnu biidod menppa hak ikki huanaknab oppe, lag mawaknu ukku uɗalebeb, lag oh na qaɗ! Heppe, lag na qa, danab ah tonalatta, laa aqatteb mauhppeg, laa ii mauhkkulag ele amu, da heppi, kekeɗ ag qep elabppa aqappeg mauhkkulag. Laippu laa oola ii goma; oh mauhkkulag.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Nahum 3:10

Aab Tebes am ɠagattag anam dayom, amge kekeɗ ag uɗin, appan ban danab eɗadna, ag appan danab kuɗum aɗualadna, ag diia ukka laih me dayak danab ah daaglagnu wan laappa diin goppig. Aabnu ib oɗatle ohppa kekeɗ ag nid yuɗ aɗualadna, buɗiatteg wanppa noeg, beɗulag oh aoɗna, hupu hupu neppig. Ag anuqak danab dilagppa attem attem hekkulagnu om yaappig. Ao, kekeɗ ag aab amunu danab okkai senppa qakkaladppig.