Hosea 13:1 - Nobonob Baibel

¹ Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Hosea 13:1 ပူးပေါင်းရင်းမြစ်များ

Genesis 2:17

amge na keeke ena, keeke nau ele doyaknu ad, nuhig meu amu, na aib lame. Aɗinu? Deɗ laa na lawona, na mauhkkut,” awa aum.

1 King 12:25

Am King Jeroboam nug Sekem, aab amuam Epraim wanppa, qauko qauko daattebppa dayom amu, nug aab amuppa aɗ, keeke heum. Nug deɗ laala aab amuppa dayom. Dimppa nug appanu aha, nug ukka, Peniel ele dayom. Dayaya, aab amunu aɗ, keeke ele heum.

Job 29:21

Da anam dabmemi amu, haen amuppa danab laa ag da nai matti, ag daulag human, dahil nai dooppig; ag dahil ulum nai dooglagnu oɗelag qamutna daappig.

Job 29:22

Da nai mattien malai, auntai laa nai madikkunu ii dayom; baito na, keeke leppu medatte, amubia dahil nai ag ehanattom.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Hosea 11:2

Da amu hewoya, haen kuɗum laa ele da ⌊propet oɗelagppa⌋ Israel danab ah ag uɗin, da dim lamiɗkkulagnu onilagppa emi; amge ag da anam heiyi, ag da oɗel ii doon, ag da dimeɗan, uuiɗna tuɗidna umanab goppig. Dahilad danab ah ag doɗ main, kayak hambuppuak Bal iɗu iɗu madappig. Ao, ag kalu danab ile muttuɗig enanag bette ele ahilag kayak hambuppuak dottolkad binalag mekkulagnu main medappig.

Hosea 2:10

Amu da heppi, ag anilagnu gappai heeb baknu kobol heum amu, danab oh ag nug ele niippig, ag amu miag atiak anidna ⌊ameg iɗuak dooppeppeg, danab laa oh ele, ag ele anamib dooglag⌋. Da anam heppi, danab auntai laa ag nug ehanidkkunu laa ii daama.

Hosea 2:8

Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Hosea 8:4

Israel danab ah ag da oɗel ii aon, king tituantteb. Ao, ag da oɗel ii aon, ag anuqak danab ele otialadtteb. Ag ahilkad gol, silwa ele akkan, amuppa ag ahilkad kayak hambuppuak dottolkad hadatteb; ag amu heppigppa ag akka ahilag dayak loppaɗtteb.

Namba 10:22

Aria, ag dim lamattak am Epraim huu, amu huu laa Epraim huu guguittak haen tutu dayaknu aab kalan daappig ele, ag ahan goppig. Ag ahilag pilak maonna goppig. Amihut bekka Elisama, nug am Epraim huunu ikki dayom.

Namba 13:16

Danab amu ag, Moses nug ag Kanan wan tutukku neegna anidkkulagnu maatte goppig. Josua nug am Nan bekka. Tatam amu, nug onig Hosia dayom, amge Moses nug onig Josua ataɗom.

Namba 13:8

Israel dilag huu okkai Epraimnu am, Nan bekka Hosia.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Rom 5:12

Aria, danab laippu laa hipunin heum, amuppa hipunin kobol oh wanppa daatte. Hipuninnu nob am mauhak amunu, mauhak am danab ah oh tonattom daatte. Aɗinu? Danab ah oh ag hipunin aakku heppig.

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Josua 3:7

Amu Yawe Nug Josua amegppa aum. “Da gemu aɗi hekkul amu, Israel danab ah ag amu anidna, ag da Moses ele daamuɗ bia, da gemu na ele daattep doon oolag maidkkunu amu, da amu heppi ba heeb, ag na danab binan okkai ele digmen anidkkulag.

Ikki Danab 12:1

Amu oh beum amu, dimppa Israel dilag huu okkai Epraim ⌊danab ag, “Ehe, ig ban amuppa oninig okkai aolom,” doon,⌋ ahilkad ban danab ag aɗa mena, ag Jodan le mataɗna, Sapon wappig. Ag amu hewona, ag nai inam Jeptanu meeg ukkom. “Na aɗinu ig na ehanidta, Amon ele ban haknu am nai me ii uɗiom? Ig na, na laut ele aabppa manatkkunig!”

Ikki Danab 8:1

Aria, Epraim danab ag Gideon oɗ medappig. “Na aɗinu ig inam heigme? Na aɗinu, haen tatam na Midian ele ban hekkutnu gome amu, ig na ehanidkkunignu na ii ae doomut?” oɗ mettan appig. Ag anam oɗ mettan, ag Gideonnu nai hak okkai heppig.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.