Hosea 11:8 - Nobonob Baibel

⁸ O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Hosea 11:8 ပူးပေါင်းရင်းမြစ်များ

Genesis 14:8

Aria, ag ban amu oh hena malaeg, Sodom dilag king, Gomora dilag king, Atma dilag king, Seboim dilag king, amu Bela, onig laa Soar, amu dilag king ele, ag, ahilkad daup ele ag oolnu noak okkai onig Sidim, ag appa gona, bannu keeke bapaidna daappig.

2 Samuel 24:16

Yawe Nug he, engel laa nug oɗe amu he beum amu, engel amu nug Jerusalem uug amu aon nauhkkulagnu eppeg hume, Kayak antta, ooppa guittak naɗi doya, Nug engel uɗat amu heum ele amegppa aum. “Aakku elele! Baula aib heme!” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

1 King 3:26

Solomon nug anam aum, amge nid anignab nug nid nuhignu oo bodoetta le meum amunu, nug king amegppa aum. “O naɗi dahil, na nid amu aib qeme! Nid amu ah umu mette!” awa aum. Amge ah laa am nug aum. “Iitta. Da aib meɗame, nug ele aib mettame. I oh am nid amu ii aomɗa, na nid amu gamagppa oppate!” awa aum.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 Stori 36:15

Ag anam heegeg, Yawe, ag mamelkad aɗi dilag Kayak, Nug Juda danab ah dilagnu oo gai-iitta doya oo matta ehanadkkunu haaha, Nug nuhig mettid lag ele nauhakib daamanu ele oo ii heum amunu, Nug nuhikkud nai awa ukkak danab oɗelagppa haen kuɗum nau aomna dabmettaknu nai ag amelagppa aum.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Aisaia 16:11

Anam amunu, da oolppa Moap wannu da uug eheɗ naunab doottem. Ao, da oolppanab da Kirheresnu anam doottem.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Jeremaia 18:8

amu wan amuppan danab ah, da ag amelagppa ag nau aomnanu dabmettak nai mattimi amu, danab ah amu ag oolag eɗueb, eheɗ tuɗidna hemananu dabmekkulag dayeb amu, da uug naunab madakkulnu dabmemi amu, da uuen, ii hepa.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Jeremaia 42:10

‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.

Gayak Nai 1:20

O Yawe, ig Juda, ig oonigppa uug nau doottem anidkkutnu oɗ medattem. Ig oonigppa guittak nau doottem, ig oonigppa maɗoɗ nakok laa ii daatte. Aɗinu ig anam daattem? Ig nahip nai tappaut na auta awom. Lag dimittim appa ig qep elabppa mauhttem, lag ooppa ig mauhak anidtata oittem.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Gayak Nai 3:33

Amunu diig am, Nug danab ah bu matteb, uug dooglagnu gamag ahak ii dootte.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Hosea 7:1

Da heppi, Israel bau mekkunu hettem. Da anam hettem, amge da ehanidkkulnu heiyi, Israel dilag hipunin am miagib daatteb. Ao, da ehanidkkulnu heiyi, Samaria danab ah dilag ɗo tippalak miag atiak daatteb. Aɗinu? Israel danab ah ag hambuppuak henan daatteb. Ao, ag laa laulkad loppaɗadna nona, keeke yab aotteb. Ge, ag oohona, ibppa danab ah dilagppa keeke yab agatteb.

Amos 4:11

Yawe Nug anam ana amu, Nug ele atte. “Da hei, ag oolagppan laa ag Sodom, Gomora danab padal meppig, amubia padal meppig. Ge, ag am aab bau maha laa, danab nug aab maha amu ewebeb, eɗua aotte, tuɗitta ii eotte, ag amubia daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Maika 5:3

Laa amu, Nug dimppa dokku amunu, haen gamag imuppa Yawe Nug heeb, kekeɗ ag Israel eɗadppeg, Israel ag ag eppelagppa daappeppeg, laa nug nid amu menukkun daatte am menueb, Israel lailkad laa piɗe piɗe daatteb ele eɗun uɗin, lailkad ele oh laippu daaglag batakku.

Sepanaia 2:9

Amu Yawe Nukka Ɠagattag Oh Ele, Israel dilag Kayak, Nug imu ele atte. “Ag anam heppig amunu, da genab bau daattem, genab amubia da heppi, Moap wan am Sodom bia daakku. Ao, da heppi, Amon wan am Gomora bia daakku. Ahilag wanppa amu uud beppeg, ahilag wanppa wan moɗ ele daappeg, amuppa le yu ele daakku. Ahilag wan am meu waknu nakokib elele hanhan daakku amunu, dahilad danab ah oɗo yaak daaglag, ag wana, Moap danab ah, Amon danab ah ele dilag keeke akkan gokkulag. Ao, dahilad danab ah ag Moap, Amon ele dilag wan aoglag.” Yawe Nukka Ɠagattag Oh Ele Nug anam awa atte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Duteronomi 29:22

Anam dayeb, ahilkad menuattak bau dokkulag, ag buɗulkad ele, amu wan laihnu danab, wan umanabnu uɗitteb, ag ele, ag oh wanppa nauhattak okkai amu, oɗe digdig ele, Yawe Nug wanppa heeb nekku amu, ag anidkkulag.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

2 Pita 2:6

Amu Kayak Nug he, aab okkai aɗit, Sodom Gomora ele, aa iite padal mepiɗ? Yo, Nug he, aab naɗi ewatom. Kobol amu danab laa oh ag aab okkai aɗit nauhpiɗ, amu dilah haen dimppa daanna, Kayaknu nuhig haknu ele uuak danab oiglag amu, ag Sodom Gomora danab padal mak aoppig anam aakku ahilagppa uɗikku, ag amu anidna dabmekkulagnu heum.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.

Revelesen 11:8

Mauhpeɗ amu aa gaɗalah amu aab okkai okkainu ibppa niiglah. Piksa naippa laa ag aab amunu Sodom, Isip ele atteb. Aab amuppa danab ag Kayaknu laa aɗi heehe anttomnu mattiak danab aɗit dilah Naɗi ad emaitakppa atulppig.

Revelesen 18:18

Ag aab okkai Babilon ewebeb, nuhig kahug amu anidna, enan akkulag. ‘Aab atten amu aab okkai umu ele elele?’ aon akkulag.

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.