Hosea 11:6 - Nobonob Baibel

⁶ Geha ahilkad kekeɗ ag aab okkai ahilkadnu aɗnu od manak qaknu keeke loppaɗadppeg neppeg, aab ooppa nona, ban hena danab ah aqaglag. Geha danab ah ag aɗi hekkulagnu maidppig amu, ag hekkulagnu elele iitta daaglag.

Hosea 11:6 ပူးပေါင်းရင်းမြစ်များ

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Sam 106:43

Yawe Nug ag haen kuɗum ehanatte, ag kekeɗ eppelagppa ii daappig, amge ag tuɗid ele nuhig nai tappaeg neum. Ag hipunin heegeg, Kayak he, ag nauhna daappig.

Aisaia 18:5

Laa amu, haen muɗi grep meu lep ii mak, haɗag bala neeg, grep meu daatteb, amge ii oɗuak, haen amuppa danab nug qep awa, grep muɗi ita bette okkulowa, eppeg elabnab ugekke, okkula aotte, amubia Yawe Nug heeb, danab amu, ag eheɗ nau aoglag.

Aisaia 27:10

Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.

Aisaia 9:14

Ag anam hekkulag amunu, Yawe Nug Israel wan amu heeb, nauha auta aokku. Nug deɗ laippuppa Israel ikki, boob ele oh otaɗkku.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Jeremaia 50:35

Amu Yawe Nug atte. “Ag kekeɗ ag uɗin, qep elabppa Babilon aqeg! Ag danab ah oh Babilon wanppa daatteb ele, ag am oh qep elabppa aqeg! Ag Babilon dilag ehanittak anuqak danab, Babilon dilag doyak dabmak ele danab ele oh aqeg!

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Esekiel 20:47

Na ad amu, danab ah daalob, na ag amelagppa anan, ‘Ag Yawenu nai doyeg! Naɗi Yawe Nug inam atte,’ appe doyeg! Dahil nai am inam. ‘Da amotadppi, ag ad bau, ag ad bunaɗak ele ag oh eoglag. Aab ewak amuam aab ewak okkai, gakkaɗak nau ele, amu laa nug heeb, iitta mekkunu elele iitta. Aab ewak amu ewebeb, danab ah Israel wan ohppa daatteb, ag gakkaɗak nau amu dooppeg, ag iɗulag eokku.

Hosea 10:14

Anam amu, ban naɗi ahilagppa uɗieb, geha kekeɗ ag ahilkad aab aɗ ɠagattagnab ele oh heppeg nauhkkulag. Haen amuam ⌊King⌋ Salman, nuhikkud daup ele ag Betarbel heeg nauhom, kekeɗ ag amubia ahilagppa hekkulag. Betarbel appa ban danab o danabib ii mauhppig. Iitta. Kekeɗ ag ah, nid ahilkad ele laippu aɗualadna buɗiatteg, wanppa noeg, ag beɗulag oh aoɗatte, hupu hupu neppig.

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Hosea 13:16

Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Hosea 4:16

Israel danab ah ag oɗe dim lamidmananu dabmak ahilag ɠagattag eppom daatte. Ag makau balat laa oɗe dim lamittaknu uua, nuhig dabmak ɠagattag eppe daatte bia daatteb amunu, Yawe Nug ag aɗi keeke ag bau ena daaglagnu madakkunu elele iitta. O gadon, danab nug sipsip gaiɗ hibguitta ii hette ee medette, ena daakkunu elele, amge Yawe Nug amubia Israel dilag anambia hekkunu elele iitta.

Hosea 4:17

Israel danab ah, ag kayak hambuppuak dottolkad noolagppa dup nona binalag mekkulagnu oolag okkai daatte; ag gumadna, aib goppig!

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Duteronomi 28:52

Danab amu ag aab ahilkad amu oo mattan aqaknu maadna daanna, ban hena, ag aabnu aɗ attan, ɠagattag ele oh loppaɗadkkulag. Aɗ amu ag ehanadppeg, kekeɗ ahilkad ag ii aqamna anam dabmekkulag, amge amuam genab iitta. Am genab, danab amu ag Yawe, ahilag Kayak, ag Nug wan madatte ele amuppan aab ohnab banelag gona, oo mattan aqadkkulagnu maadna daaglag.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.