Hosea 11:10 - Nobonob Baibel

¹⁰ Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Hosea 11:10 ပူးပေါင်းရင်းမြစ်များ

Job 37:1

Kayak he, hakkaɗ qak huanak qette amu, da oqotti amu dooi, gamalppan uttu taub dahil huanak qutu qutu edatte. Da doyen, da eheɗ ottaittem.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 2:5

O Jakop buɗub, ag doppeg, ig Yawenu ib amahlak ele, ig amuppa teta oitu!

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.

Aisaia 42:13

Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.

Aisaia 49:10

Ag gobeppeg, enug ii aqama; le baalag ele ii diima. Atu taɗaknu aam gakkaɗak ele ii aqama. Aɗinu? Laa ag oo madatte amu, Nug ag ulum madatta, Nug ag le qeppuɗia betteppa omalatta gokku.

Aisaia 64:2

Aab ewewe, ad eppeg naunau genab eotte, o aab ewewe, le genab hipaɗ qette, amubia na heppe, kekeɗ nahipad ag na genab dooidkkulagnu ool daatte. Na anam heppe, nahipad kekeɗ ag hahaɗkkulagnu ool niitte.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Jeremaia 25:30

Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Jeremaia 50:4

Amu Yawe Nug atte. “Haen amuppa amu, Israel danab ah, Juda danab ah ele ag ahan, ag gaanna, ag da, Yawe, ahilag Kayak, ag da aniɗna dim lamiɗkkulagnu mattiɗkkulag.

Jeremaia 7:6

amu ag laa, ag wan laihnu danab, aria nid ag mamelkad mauhppig, amu ah ag gamulkad mauheg, qab daatteb, ag amu eheɗ hattanana, ahilkad keeke yab bia aotteb amu, ag kobol amu genab uun, ii hekkulag dayeb, ag wan imuppa danab hamu aqappeg ii mauhkkulag dayeb, ag gemu kayak hambuppuak dim lamadna, amuppa eheɗ aotteb amu, ag kobol amu ele uuglag dayeb,

Jeremaia 7:9

Ag yab hetteb. Ag layag qe mauhak hetteb. Ag ewau pakkua gappai hak kobol hetteb. Ag hettoɗiakppa nai hambuppuak aon, nai amunu, ‘Am nai genab,’ ahilag naippa ɠagattag qettan maditteb. Ag kayak hambuppuak Bal noobppa daanna, kalu danab ile muttuɗig enanag bette ele maina, nug medatteb. Ag kayak laala ele, ag anukka kayak amu ii dooppig, ag kayak amu ele dim lamadtteb.

Esekiel 26:16

Amu wan amuppan danab okkai ag Tairnu nai doon, haen amuppa ag sia king ahilagppanu ahan, honap nena, ag lamen enanag uɗona, ag lamen elab kobol kobol koitak ele tagatteb ele uɗaglag. Ag baɗak eheɗ nau doon, ag wanppa daanna, ag Tairnu danab ah dilag aab na qeumnu dabmak huanaknab aonna, ottaikkulag.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Amos 1:2

Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.

Amos 3:4

Laion nug doɗ laa qa lakkunu oiyaya, nug doɗ laa ad qataiettak daattebppa ii antta dayaya, gayak okkai hettete? Iitta! Laion bau nug ele appidppa doɗ laa lakkunu ii qa dayaya, nug liɗimttete? Iitta!

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Sekaraia 10:10

Da omaladppi, ag Isip wanppanu, Asiria wanppanu ele eɗun uɗiglag. Ao, da heppi, ag Gileat wanppa, Lebanon wanppa ele daaglag. Ag ⌊appatna,⌋ kuɗumnab daappeg, wan ahilag am nakok ebakku. Ao, ag oh daaglagnu elele iitta daakku.

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Sekaraia 8:7

Am Yawe Nukka Ɠagattag Oh Ele Nug inam atte. “Genabnab da dahilad danab ah ehanadppi, ag kaɗag uɗitteppanu, qaban uɗitteppanu ele eɗun uɗin, ahilag wanppa bena daaglag.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

Revelesen 10:3

nug laionnu gayak bia baag okkaippa eum. Nug anam e amu, hakkaɗ eblaih aɗit ele ag baalkadppa nai madippig.