Hosea 11:1 - Nobonob Baibel

¹ Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Hosea 11:1 ပူးပေါင်းရင်းမြစ်များ

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Eksodas 19:4

‘Da Isip appa keeke oh ehanatte hei, ag anidppig. Amu ai igel anig nug nakkud yuɗ, nug haugppa mawadtte, amubia da ag mawatte omalatte, aben imuppa, dahilppa uɗimi amu, ag amu oh ele aakku anidppig

Eksodas 4:22

⌊Na uɗat danab haknu elele iitta amu oh hena malappe, Paro nug danab ah ii uuatteb, amu dimppa na Paro amegppa inam appe doyaɗ!⌋ ‘Yawe Nug inam atte. “Israel ag am dahil nid danab tatamnu,

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Aisaia 43:4

Da ag Israel, ahilagnu da ool madattem, ag dahil neekkakppa ag binalag ele; da ahilagnu ool mauhtte. Anam amunu, da heppi, danab laa ag oulag daappeppeg, ⌊da amuppa eɗuen, ag aben enappa maadkkul⌋. Ao, ag Israel, ag mauhmananu da heppi, danab ah ag oulag daappeppeg, ⌊amuppa da ag ehanadppi, ag ena daaglag⌋.

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Esekiel 16:22

Na kobol digdig, da kobol amunu oolppa uuaknab doottem amu, na kobol amu oh henana, na ib baag ah ele daan, kobol nau amu ele henana, na yuɗ daanna, na bam iitta, beɗun miag dayeye, na tiin laanna niin, buɗibɗib oinna daame amu, na amunu nakok laa ii dabmeme. Iitta,” awa atte.

Esekiel 16:6

Laa oh ag nahipnu anam heppig, amge da, Yawe, da laih gokkulnu uɗien, neekki ukke, na aguppa na tiinppa daan, buɗibɗib oinna heehe anidmi. Da uɗien, na anam anitten, na tiin qaɗeppa niieye amu, da, “Na bau daye!” ami.

Hosea 10:15

O Betel danab ah, ag nau hak ahilag am okkainab amunu, kobol amubia ahilagppa bekku. Deɗ amuppa Kayak Nug Israel bu mattebeb, Israel dilag king am nauha autanab awa, iitta mekku.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Hosea 12:9

Yawe atte. “Da am Yawe, da ag Israel, da ahilag Kayak. Da ag Isipnu diien, omalatti beppig, amge da geha heppi, ag eɗun, anukka ag daadppig bia, ag pehppa baula daaglag.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

Matyu 2:15

Gona, Isip appa daaegeg, Herot mauhom. Isip ukkaknu amu, amuam propet laa nug Naɗi oɗe awa, nai mattiom, nai amu elele medakkunu beum. Propet nug inam aum. “Nid danab dahil Nug Isip dayeye, da nug Isip uua dokkunu onigppa emi,” awa aum.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

Duteronomi 7:7

Yawe Nug ahilagnu oo mauhom, Nug ag tituanattom, amge ag danab ah kuɗumnab, huu laa oh eɗattak, diig amunu Nug amu ii heum. Iitta! Ag am wanppan wan laa oh oolagppa ebqak nakoknab daaegeg, ⌊Nug amu heum⌋.