Hosea 10:14 - Nobonob Baibel

¹⁴ Anam amu, ban naɗi ahilagppa uɗieb, geha kekeɗ ag ahilkad aab aɗ ɠagattagnab ele oh heppeg nauhkkulag. Haen amuam ⌊King⌋ Salman, nuhikkud daup ele ag Betarbel heeg nauhom, kekeɗ ag amubia ahilagppa hekkulag. Betarbel appa ban danab o danabib ii mauhppig. Iitta. Kekeɗ ag ah, nid ahilkad ele laippu aɗualadna buɗiatteg, wanppa noeg, ag beɗulag oh aoɗatte, hupu hupu neppig.

Hosea 10:14 ပူးပေါင်းရင်းမြစ်များ

Hosea 13:16

Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Habakuk 1:10

Ag laa dilag king aon aon aqadtteb. Ao, ag wan laihnu danab okkai dilagnu, ‘Keeke hamunab,’ dootteb. Ag aab ɠagattag aɗ ele, ag aab amu ohnu imak dootteb. Ag wan buun aon uɗin, gokkaɗeg noa taata, aɗ elele te wana, aab amu dilag daup eɗadna, aab amu aotteb.

Nahum 3:12

Aab aɗ ɠagattagnab ele ahilkad oh am ad fig meu tatamnu lep meum bia daatteb; danab nug ad amu aɗa uɗaleb, meu paha na qa, danab lakkunu hette nug oɗeppanab gotte.

Nahum 3:10

Aab Tebes am ɠagattag anam dayom, amge kekeɗ ag uɗin, appan ban danab eɗadna, ag appan danab kuɗum aɗualadna, ag diia ukka laih me dayak danab ah daaglagnu wan laappa diin goppig. Aabnu ib oɗatle ohppa kekeɗ ag nid yuɗ aɗualadna, buɗiatteg wanppa noeg, beɗulag oh aoɗna, hupu hupu neppig. Ag anuqak danab dilagppa attem attem hekkulagnu om yaappig. Ao, kekeɗ ag aab amunu danab okkai senppa qakkaladppig.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Jeremaia 48:41

Kekeɗ ag uɗin, Keriot eɗadna, wan amuppan aab aɗ ɠagattagnab ele aoppeg, Keriot danab ah ag eppelagppa daaglag. Amu beeb, deɗ amuppa Moapnu daup ag ah nid aokkunu hette bia daaglag.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 17:3

Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.

2 King 18:33

amge nug ag hambuppualadmade dabmeig! Wan laappan kayak nug ag ehanatte, ag Asiria eɗadna, ag eppelagppa ii daappigte? Iitta!

2 King 17:16

Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.

Genesis 32:11

Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.

Jeremaia 13:14

Danab ag le ɠagattag huan laeg, kaaka aqe oinna, nug qak henana, guittak aotteb, amubia da heppi, ag oh bu aon, guittak aoglag. Mameg guittak aokku, bekka ele anamib. Da ahilagnu ool gai-iitta doyen, ool matten, iinab ehanadpa. Da ag nauhmananu ehanadppi, guittak ii aomnanu iinab hepa.” ’ ” Yawe Nug anam awa atte.

2 King 17:3

Amu Asiria dilag king Salmaneser nug ban ha, Hosia eɗitta he, Hosia nug Salmaneser waappa dayaya, maɗ oh en takis bia mettom.

Hosea 10:15

O Betel danab ah, ag nau hak ahilag am okkainab amunu, kobol amubia ahilagppa bekku. Deɗ amuppa Kayak Nug Israel bu mattebeb, Israel dilag king am nauha autanab awa, iitta mekku.

Amos 3:14

Haen da Israel ag hipunin heppig, da amunu bu madakkul, haen amuppa amu da Betel appa qaɗab daatteb oh loppaɗadppi nauhkkulag. Ag qaɗab amu oh qeqeɗilag okkuladppeg, wanppa nena qekkulag.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.