Hosea 1:6 - Nobonob Baibel

⁶ Amu Gomer nug baula oo ele daya, nid ah laa menuom. Menue amu, Yawe Nug Hosea amegppa aum. “Na nug onig Lo Ruhamah ataɗe! Aɗinu? Da geha Israel danab ah dilagnu oo bodoetta le mak kobol ii dim lamidpa; da genab heppi, ag bu naunab aoglag.

Hosea 1:6 ပူးပေါင်းရင်းမြစ်များ

2 King 17:20

Anam amunu aakku, Yawe Nug Israel buɗub oh geɗattom. Nug eheɗ matta he, kekeɗ ag uɗin, Israel dilag keeke yab akkan goppig. Amge Israel ag kobol nau hak ii uuppig amunu, Yawe Nug he, ag gona, Nug noobppa ii daappig.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Hosea 1:8

Dimppa Gomer nug Lo Ruhamah huh aɗitta amu, nug eɗua oo ele daya, nid danab laa menuom.

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Hosea 2:4

Amu da geha danab nug wau danab laa ele oiyya, nid menuadttep, gamunab nug nuhikkudnab nid atognoadkku bia, nug wau, danab laa ele menuadpiɗ, nug nid amu nuhikudnab bia ii atognoadma, da amubia hekkul. Amunu diig am, nid naunau amu, ag am ewau pakkua gappai hakppa menuattak.

Amos 7:8

Da tuleglegppa amu anitti, Yawe Nug da oɗ meɗom. “Amos, na aɗi anidttem?” awa oɗ meɗom. Nug anam oɗ meɗe, da ami. “Da plam lain anidttem,” awe ami. Da anam ai, Naɗi Nug da amelppa aum. “Antte! Danab nug gilil keeke, tutukku tak daakkunu, ikki laih imu o laih umu ukkak ii daamanu, nug plam lain aɗa anidtte, amubia da Israel danab ah ag tutukku, o iitta epeɗiadkkul. Da tuɗitten, bu madakkulnu ii uupa. Da bu madakkul.

Amos 9:8

Antte! Ag Israel, ag hipunin heegeg, da Naɗi Yawe, da amu anidttem. Da heppi, ag padal meppeg, ahilag wan am wanppan wan laa oolagppa iinab daama, amge da Jakop buɗub ohnab heppi, iitta ii memana,” awa atte.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.