Hibru 9:9 - Nobonob Baibel

⁹ Amu oh am ig gemu haen imu daattem am keeke ippunigtte. Amuam danab ah ag ɗo iɗu iɗu Kayak mettanna, mana mettak iɗu iɗu ele heppig, amge keeke amu oh, danab heppig ele am heeb, danab amu dilag hipunin uhuqa mettak daaglagnu elele iitta.

Hibru 9:9 ပူးပေါင်းရင်းမြစ်များ

Rom 5:14

Anam amu, mauhak am Adamnu haenppanu daye ukke, Mosesnu haenppa ele dayom. Mauhak am danab oh tonattom. Ao, danab laala ag Adam nug ɗo tappe neum bia ii heppig, amge mauhak am danab amu ele tonattom. Adamnu hak, amu laa uɗikkunu dayom, am Kristus, nuhig hak ele, hak aɗit amu oh aa danab ah oh tonadpiɗ, amge Adamnu hakppa uug beum, Kristusnu hakppa ehanittak okkainab beum.

Galesia 3:21

Anam amunu, ɗo nug am Kayak anukka nai qakka aum ele, amunu kekeɗte? Iittanab iitta! Aɗinu? Ɗo am danab bauklel mattaknu ii daatte. Ɗo laa ig danab bauklel megakkunu daalo amu, ig ɗo amu dim lamidpput, Kayak Nug ihinignu, “Genab tutukku hak danab ah,” akkunu elele, amge ɗo laa anambia ii daatte.

Hibru 10:11

Aria, mana mettak danab oh ag deɗ deɗppa maɗi ahilagppa hippaidtteb. Ag baubau mana mettak iɗu iɗu amuib hetteb, amge mana mettak anam am hipunin uhuqaknu elele iittanab.

Hibru 5:1

Aria, mana mettak ikki danab tituanaknu kobol amu inam. Kayak Nug danab oh oolagppanu danab laa, nug danab ah oɗelag awa, Kayak amegppa akkunu, Kayaknu uɗat ele hekkunu, tituana mette. Danab amunu uɗat am nug Kayak ɗo medakkunu, amu Kayak Nug danab ah dilag hipunin uhuqa madakkunu, nug doɗ ele mana, Kayak medakkunu daatte.

Hibru 7:11

Aria, Israel ag Lewi buɗub laa ag mana mettak danab, ag ahilag uɗatppa ɗo aoppig, amge mana mettak danab amu ag maɗi ahilag amu heeb, danab ag elelenab bena daalob amu, aɗinu mana mettak danab laa, Aron bia iitta, Nug am Melkisedek bia, bekkunu dayom?

Hibru 8:4

Amu Nug wanppa gemu daalo amu, Nug mana mettak danab laa ii daalo. Aɗinu? Mana mettaknu danab laala matu beppig daatteb, ag mana mettak digdig, ɗo niitte amubia hetteb. Ag uɗat amu gumatteb, laa ele dayaya gumakkunu ib ii daatte.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.