Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.
Hibru 9:6 - Nobonob Baibel6 Aria, keeke oh anam babaittak daye amu, mana mettak danab ag haen oh lag oo makkulak dimittim amuppa maɗi ahilag hekkulagnu nodappig, အခန်းကိုကြည့်ပါ။ |
Hibru 9:6
9 ပူးပေါင်းရင်းမြစ်များ
Amu Israel dilag huu okkai Lewi, anukkanu uɗie uɗie, gemu ele daatte amu, na, na laipad ele, ag oh huu amun danab, amu na heppe, na laipad, Lewi buɗubppan mana mettak danab iitta ag uɗippeg, na, na begapad ele ag mettid haknu peh lag men maha aɗit ɗo nai yaak niitte ele appa daattep, ag amuppa, dahil ɗo maɗoɗnu uɗat henan daaglag amu, haen amuppa ag appa ag ehanadkkulagnu diieg!
Amu Yawe Nug tuɗitta aum. “Na inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Deɗ anen anen oh ag doɗ, aab aɗunu ofa daaglagnu, ag aon, Yawe gumidna wana, Nug mettaglag amu, ag keeke imu maiglag: sipsip gaiɗ aɗit, maɗ laippu awak ele, beɗulahppa eheɗ laa iitta. Ag deɗ anen anen manaknu ofa daaglahnu managlag.
Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.
ကြော်ငြာတွေ