Hibru 9:5 - Nobonob Baibel

⁵ Kunup amu attan am engel okkai-Kerubim aɗit aa dottolah daapiɗ. Aa Kayak aben amuppa daatte amu danab ah ippunadpiɗ. Aa waalahppa Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte, ameg amu dayom. Amge gemu amu keeke amunu oh mehuqaknu haen iitta.

Hibru 9:5 ပူးပေါင်းရင်းမြစ်များ

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

1 Stori 28:11

Dawit nug anam mattia mala, nug Yawenu mettid lag dottog Solomon mettom. Dottog amuppa lag amu, lag amunu odppa ukkaknu oo laa, veranda bia, lag amunu lag laala, lag amunu keeke maknu oo, lag amunu oo attan daaglag, lag amunu Oo Gun Ele, amu lag amunu Oo Gunnab Ele, amu ohnu dottog dayom. Oo Gunnab Ele, amuppa mana mettak danab ag eheɗ haknu nob nau doɗ tiigppa iitta mekkunu heeb elele mettaknu uɗat heppig.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Lewitikas 16:13

Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Namba 7:89

Anam heppig dimppa, haen Moses nug mettid haknu peh lag danab ah appa qagmetteb ele, nug peh amu ooppa, Yawe ele nai mattiglahnu nottom amu, nug Yawe baag doottom. Amu Tituanak Nainu Kunup kontrak inak ele mettid haknu peh lag ooppa aben gunnab, appa dayom. Tituanak Nainu Kunup amunu ameg amu golppa hak, amu ameg amuam eheɗ haknu nob nau tiigppa iitta me elele medatte ippunadtte. Tituanak Nainu Kunup amu ameg noob laih laih amu, engel okkai-kerubim aɗit dottolah hippaidya daattep amu, Yawe Nug aa gamalahppa daatte. Am Yawe Nug Moses amegppa nai mattiom amu, Nug baag am engel aɗit amu gamalahppanu uɗiom. Ib amuppa Yawe Nug Moses amegppa nai mattiom.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Samuel 4:4

Ag anam appig amunu, ag heeg, danab ag Silo gona, ag Kayaknu Tituanak Nainu Kunup kontrak inak ele, Yawe Nukka Ɠagattag Oh Ele, Nug appa sia king nuhigppa, engel okkai-kerubim aɗit dottolah gamalahppa daatte amu, ag amu aon uɗippig. Eli bekoɗ Hopni, Pinias ele, aa ele uɗipiɗ.