Hibru 9:3 - Nobonob Baibel

³ Aria lag ooppa, lamen naɗi dimugppa, lag oo makkulak laa, makkulak amunu ag, “Oo Gunnab Ele,” atteb, amuppa dayom.

Hibru 9:3 ပူးပေါင်းရင်းမြစ်များ

1 King 6:16

Nug Yawenu mettid lag ooppa oo okkai amu makkula, gilil heum. Oo laa ooppanab amu, ag oo amunu, “Oo Gunnab Ele,” atteb. Nuhig elab am 9 mita. Aria, oo laa, amuam Yawenu mettid lag oo ooppanab iitta, amu onig am oo Gun Ele, oo amunu elab am 18 mita. Nug gilil oo aɗit gamagppa makkula heum, amuam ad sidanu plangppa heum. Nug gilil am he ta, hol diigppa batom.

1 King 8:6

Ag anam henan uɗin, mana mettak danab ag Yawenu Tituanak Nainu Kunup kontrak inak ele maon, Yawenu mettid lag ooppa Oo Gunnab Eleppa, nuhig aben aguppa daakkunu babaittak dayom ele, ag amuppa nona, meeg dayom. Engel okkai-kerubim dottog aɗit haulah tikkaɗe daaeheh, haulah waappa meppig.

2 Stori 3:14

Amu Solomon nug ele linen muɗi hakkab, am linen muɗi kaala iɗu iɗu, am ed, perpel, kokoɗnab ele, nug muɗi amuppa lamen otala naɗi ha, nug engel okkai-kerubim dottog amuppa ele koitattom.

Eksodas 40:21

Nug anam hewowa, nug Tituanak Nainu Kunup kontrak inak ele mettid haknu peh lag ooppa mewowa, nug Oo Gun Ele, Oo Gunnab Ele makkulaknu lamen, Tituanak Nainu Kunup amu miag atiak daamanu, qehakkak daakkunu ele aihom. Nug Yawe nug amegppa haknunab aum, nug aumbianab aakku heum.

Eksodas 40:3

Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Aisaia 25:7

Qauko amuppanu amu, Yawe Nug heeb, danab ah ag baula ii mauhmana ⌊amunu, mauhaknu oo doyak baula ii daama⌋. Ao, Nug heeb, uug danab ah oh baula ii aqama ⌊amunu, uugnu guittak baula ii doomna⌋. Iitta.

Esekiel 41:4

Nug melemel amu mewowa, nug lag oo amunu okkai dookkunu melemel me, da oo amunu okkai laih laih oh am 10 mita anidmi. Oo imuam oo tatamnu dimugppa daatte, amu danab amu nug amelppa aum. “Oo imunu onig am, ‘Oo Gunnab Ele,’ ” awa aum.

Namba 4:5

Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Hibru 6:19

Amu gog tak haenppa ig genab bauklel aognig, dabmak amuam ig dabmak digdig dim lamidmatanu, uub mameg nug uubnu anka eum daatte, amubia aɗaikke daattem. Ihinig ehanittak amuam keeke genab, hab attannu Kayaknu mettid lag Oo Gunnab Eleppa omaikka gotte.

Hibru 9:7

amge mana mettak ikki danab, nugib am lag oo makkulak ooppanab, amuppa hipunin nuhig amu danab oh dilag ele doɗ tiilagppa mana mettak hekkunu maɗ laippu ooppa, haen laippuib noa hettom. Nug hamu iinab nottom. Iitta! Nug doɗ tiig awa ele gottom.

Hibru 9:8

Kobol amuppa Kayak Ouɗi Nug inam ippunigtte. Haen danab ah ag lag amuppa Kayak binag meppig ele amu, danab ah oh ag Kayak noobppa tutukku wakkulagnu ib iitta. Ib amuam oo nak.