Hibru 9:10 - Nobonob Baibel

¹⁰ Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Hibru 9:10 ပူးပေါင်းရင်းမြစ်များ

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Eksodas 40:12

Aria, dimppa na Aron nug bekkod ele omaladna, dahil mettid haknu peh lag danab ah appa qagmetteb ele, na ag lag amu odppa gona heppe, ag beɗulag leppa iheg!

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Lewitikas 13:58

Amu lamen amu, o keeke doɗ gaɗappa hak amu ihak dimppa gi iitta daatte dayeb amu, mameg nug baula ihaknu daatte. Baula iheb am, keeke amuam Kayaknu neekkakppa dubuttid iitta daakku.

Lewitikas 16:24

Nug aben Kayaknu tituanak daatte eleppa beɗu kunum oh le laakku. Hewowa, nug eɗua lamen nuhig laa takka, dimittim uɗia, nug manaknu ofa nuhig hewowa, nug manaknu ofa danab ah dilag hekku. Amuppa, Aron nug doɗ amu mana, Kayak medatta, eheɗ haknu nob nau nuhignu, danab ah dilagnu ele tiigppa iitta meeb elele medakkunu hekku.

Lewitikas 16:4

Anam hewowa amu, nug le layowa, nug linen lamen gaɗa aɗatte ele tatam mewowa, nug lamen nakok elab, dahilnu tituanak daatte amu, nug amu ele mekkuoitte. Amu hewowa, nug lamen nakok elab, imuagppa matagiɗ bia qakkaknu takkowa, nug igippan lamen mekkuoitte. Lamen amu oh am dahilnu tituanak daatteb. Nug le layowa, mekku.

Lewitikas 22:6

Am mana mettak danab laa nug ib anamppa Kayak ele ouqa dayaknu elele iitta daakku dayeb amu, nug anam dayeb ukkeb, uudokku. Nug ofa oppiaawak ele, nug amu ii lakkuoitte, ukkeb le layowa, nug lakku.

Namba 6:3

Danab nug anam ha amu, nug aib wain lanana, le ɠagattag laa ele aib laum. Nug le laala wainppa hak, o iitta le laala le ɠagattag laalappa hak ele aib laum. Danab o ah amu nug grep leppu, o iitta grep meu, o iitta grep meu qaɗaiettak, nug amu oh ele aib laum.

Mak 7:4

O ag ee oɗiak abenppanu eɗun, lakka gona, ag haen amu ele ag ⌊ɗo dim lamidna⌋ eppelag ii ihana amu ag ee ii latteb. Ag ɗo laala kuɗum amubia dim lamidtteb; kap ihaknu, nippud ihaknu, amu tappiɗ ihaknu ele.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Epesus 1:10

Nug oo niitte am inam. Nug ulum aɗebeb, Nug haen epeɗiom ele amu uɗieb, keeke hab attannu, wanppanu ele amu Nug oh qagmaatteb, Kristus waappaib daappeg, Kristus Nug keeke amu oh ikkilag daakku.

Epesus 2:15

Nug ameg aɗit amu ouaqateb, ameg aɗit dilah danab ag danab bau bena, ameg laippu daaglagnu, Nug nuhig mauhakppa Nug ɗo nai, amuppa ɗo digdig dim lamidkkunignu yaak dayom amu, Nug amu hokalom. Kobol amuppa nug he, ig Juda, ag iitta aɗi ele, ig oh maɗoɗ daattem.

Duteronomi 21:6

Ikki danab ag aab laa gaɗa guguittak daatte appanu, ag makau balat nag duug oolnu noakppa qiippig ele, ag gaɗa amu guguittak daan, ag eppelkad gaɗa amu nakok attan ihaglagoitte.

Duteronomi 23:11

Tueb meebeb nug le laakku. Anam le layeb, aam noobob, haen amuppanab amu, nug eɗua haen tutu dayaknu aab kalakppa gokkunu elele.

Kolosi 2:16

Kayak Nug anam heum amunu, ag uuppeg, danab laa nug nuhig dabmakppanu ee lanaknu, le lanaknu amu deɗ okkai mettidnu, kalam baunu mettidnu amu Sabatnu ele ɗo laala, ag dim lamidkkulagnu ii mema.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Hibru 2:5

Aria ig gemu wan laa, butti aɗi bekkunu attem amu, Kayak Nug engel ag amu gumaglagnu laa ii maattom. ⌊Iitta. Nug nuhikkud danab ag gumaglagnu maattom.⌋

Hibru 6:2

layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Hibru 6:5

ag Kayaknu nai doona enanag anana, kobol enanag butti aɗi haen amuppa ahilagppa bekkunu ele dooppig amu,

Hibru 7:12

Aria, ɗo nug Lewi buɗub ooppanu laa ag mana mettak danab daaglagnu atte amunu, buɗub laa ooppanu laa nug mana mettak ba daakkunu dayeb amu, Kayak Nug ɗo ele baolikkuoitte.

Hibru 7:16

Laa amu Nug ɗo laappa, o iitta aun tiigppa, o iitta aun buɗubppa keeke, Nug amuppa Naɗinu mana mettak danab ii beum daatte. Iitta! Nug bauklel hanhan dayaknu, gogtak nuhig iitta ele, ɠagattag amunuppa mana mettak danab beum daatte.

Hibru 9:1

Aria, nug tituana nai qakkak tatamnuppa amu Kayak Nug ɗo laala mettid haknu, amu danab ah ag wan imuppa mettid hekkulagnu danab ag Kayaknu mettid lag doɗ gaɗappa hena galaglagnu ele meum.