Hibru 9:1 - Nobonob Baibel

¹ Aria, nug tituana nai qakkak tatamnuppa amu Kayak Nug ɗo laala mettid haknu, amu danab ah ag wan imuppa mettid hekkulagnu danab ag Kayaknu mettid lag doɗ gaɗappa hena galaglagnu ele meum.

Hibru 9:1 ပူးပေါင်းရင်းမြစ်များ

Eksodas 25:8

Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul.

Esekiel 43:11

ag nau heppignu uɗa nak dooglag dayeb, na lag dottogppa keeke anidtteb elenu diig amu ag amelagppa mehuqe! Na mehuqnana, na aɗ, lag, keeke laa ele digdig, od lag ooppa ukkaknu, od dimittim uɗiaknu ele, nuhig keeke oh ele, na keeke amu ohnu diig ippunadkkut. Na amu ippunadna, na lag amunu ɗo oh ippuanatte! Na amu hena malona, danab ah ag keeke amu oh hekkulagnu, ɗo amu oh dim lamidkkulagnu, ag na neekkidppeppeg, na ɗo oh pepappa ye!

Lewitikas 18:30

Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Namba 9:12

Amu ag doɗ teppu laih laa iinab uuppeg dayebeb wakkaɗma; ebehi laippu laa ele ii qiimna. Haen ag Pasowanu Hobul gamag ahak ele hekkulag amu, ag amunu ɗo oh dim lamidkkulag.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

Kolosi 2:8

Ag danab laa nug ag ulah nai, nai meu iitta ele amelagppa mattia hambuppualatteb, nug waappa daamnanu dabmeig! Danab kobol amu hetteb ele amu, ag mattiak ahilagppa alai aɗi dilag kobolnu, amu wan imuppan ɗo ɠagattag iitta ele, ag amunu maditteb. Kristusnu amu ag ii maditteb.

Hibru 8:13

Nug nug tituana nai qakkak baunu anam anana, nug tituana nai qakkak tatamnu amu Nug he, alag meum. Amu keeke nug alag ma, nug kaino bia nakoknab dayaya, iitta mette.

Hibru 8:2

Nug am mana mettak danab dilag uɗat, Kayaknu mettid lag ooppa, appa hette. Amuam Kayaknu mettid haknu peh lakka genab; danab laa lag amu ii heum. Iitta! Naɗi nukka lag amu babaittom.

Hibru 8:7

Amu nug tituana nai qakkak tatamnuppa uug laa ii daalo amu, Kayak Nug nug tituana nai qakkak baunu ii dabmelo.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.