Hibru 7:5 - Nobonob Baibel

⁵ Amu Jakop bekka Lewi buɗub ooppanu laala ag mana mettaknu uɗat aotteb ele amu, ɗo ag keeke ameg eblaih tanig ele ooppanu laippu, Israel dilagppanu aoglagnu atte. Amu Israel laa oh ele ag am Abraham buɗub amunuib, ag lailkadnab, ag oh am Abraham buɗub daatteb, amge ɗo nug ag mana mettak danab keeke ameg 10 oolagppanu ameg laippu mattaglagnu atte.

Hibru 7:5 ပူးပေါင်းရင်းမြစ်များ

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 46:26

Jakop buɗub tiignab ag Isip goppig amu, ahilag ebqak am 66. Nug bekkod waalkad amu, ag ebqak amu ooppa ii daatteb.

1 King 8:19

amge na dahil mettid lag amu ii buumna. Iitta. Dimppa na nahip nidnab laa, nug mettid lag, da onil amuppa daakkunu buukku,’ awa aum.

Nehemaia 13:10

Haen amuppa ele amu, da danab ah ag keeke, ag Lewi buɗubppan mana mettak danab iitta, ag ag mattaglagnu ɗo dayom bia ii madappig doomi. Ag ee amu ii madappig amunu, ahiettak danab, Lewi buɗubppan mana mettak danab iitta laa ele ag eɗun, dad ahilagppa gona, ee oppig. ⌊Ag Kayaknu mettid lag, amuppa ii daappig.⌋

Eksodas 1:5

Amu Josep nug tatam Isip ukka dayom amunu nug, Jakop, amu nug baekkudppa ele oh Isip goppig ele, danab ah amu oh, ahilag ebqak am 70.

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Duteronomi 26:12

Maɗ ohppa na nahip keh ohnu obatak eblaih tanig ele ooppanu obatak laippu Yawe medakkutoitte, amge maɗ ewam awebeb amu, na amu hewona, na keeke obatak eblaih tanig ele ooppanu obatak laippu amu Lewi buɗubppan mana mettak danab iitta, wan laihnu danab ah, nid mamelkad mauhppig, amu ah qab ele madappeg, ag ee elele aab amuppa daanna lakkulagnu elele daaglagoitte.

Hibru 5:4

Aria, mana mettak ikki danab, amu dayaknu am binag ele, amu danab laa nug nukka nug nuhig dabmakppa nug binag amu awa, anam daakkunu ii hema. Iitta! Kayak Nug tatam, anukka Aron uɗat amu hekkunu onigppa eum amubia, Nug danab uɗat amu maokkunu, danab amu onigppa ekkuoitte.

Hibru 7:10

Aɗinu? Haen Melkisedek nug Abraham ibppa uɗa te, Abraham nug keeke ameg 10 oolagppa ameg laippu mettom. Amu Abraham nug am Lewi dokkiab amunu, Lewi nug Abraham beɗuppa aakku dayom.