Hibru 7:26 - Nobonob Baibel

²⁶ Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Hibru 7:26 ပူးပေါင်းရင်းမြစ်များ

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Aisaia 53:9

Nug nau hak danab oolagppa mauhom, amge danab enub ele boumtteb, amubia ag nug boumppig. Ag heeg, nug mauhom, amge nug laa dilagppa eheɗ laa ii heum, oɗeppa nai hambuppuak ele ii dayom.

Esekiel 44:27

deɗ nug eɗua, mana mettak danab dilag haɗap-ppa, mettid lag dahilppa dahil ɗo maɗoɗnu uɗat hekkunu gokku amu, nug nukka nuhignu nug ib etta hipunin haknu ofa mana, da meɗaɗ!” Naɗi Yawe Nug anam atte.

Namba 29:26

Aria, hobul imunu deɗ laa, deɗ tanig eleppa amu, ag mana mettak imu ele hena, Yawe mettaglag: makau gaiɗ eblaih waɗele, sipsip dawai aɗit, sipsip gaiɗ 14 maɗ laippu awak ele; ag beɗulagppa eheɗ laa iitta ele.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 23:22

Aria Pailat nug baula, amuam haen ewam, amelagppa aum. “Aɗinu? Nug ɗo tippalak aɗi heum? Nuhigppa ɗo tippalak laa, ig Nug qepput mauhkkunu da laa ii anidmi. Anam amunu, da heppi, nug bu mettak aweb, da heppi gokku,” awa aum.

Luk 23:41

I nitaeg mauhttep imunu am ag eheɗ laa ii hetteb; ag kobol elele hetteb. I nob imu aognihnu am nai iitta. Aɗinu? Ihinih eheɗ hemuɗ nob iikku aottep, amge danab imu Nug eheɗ laa ii heum,” awa aum.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Luk 24:46

amelagppa aum. “Anukkanu uɗiak amu, Kayaknu nai yaappig ele am inam ippunigtte. Kristus Nug guittak awa mauhowa, deɗ ewamppa nug eɗua hippaidkku. Am anam ippunigtte.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

Jon 8:29

Am laa Nug da meiɗe uɗimi ele, Nug da ele daattem. Nug da ii uuiɗe, dakka ii daattem. Aɗinu? Da haen oh keeke Nug oo niitte ele, da amu hettem,” awa aum.

Aposel 3:14

Ag danab amu, Nug am genab tutukku hak danab, Nug oppiaawak ele, ag Nug dimettan, ag Pailat amegppa, nug danab laa, danab aqe mauhppig ele, ag nug danab amu uhuqa awa, ag matta, heeb gokkunu eppig.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

Hibru 7:11

Aria, Israel ag Lewi buɗub laa ag mana mettak danab, ag ahilag uɗatppa ɗo aoppig, amge mana mettak danab amu ag maɗi ahilag amu heeb, danab ag elelenab bena daalob amu, aɗinu mana mettak danab laa, Aron bia iitta, Nug am Melkisedek bia, bekkunu dayom?

Hibru 8:1

Aria, nai ig attem ele, nuhig diig am inam. Ig mana mettak ikki danab Melkisedek bia ele, Nug matu hab aabppa Kayak, dagom onig ɠagattag ele, Nug eppeg naɗiap-ppa heɗep neum daatte.

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

1 Jon 3:5

Amu ag dootteb, Kristus Nug heeb, hipunin iitta mekkunu miag atiom. Nug ooppa hipunin laa ii daatte.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.