Hibru 7:21 - Nobonob Baibel

²¹ Mana mettak danab anukka ag am anamnab iitta. Anukka auntai laa Kayak Nug Nug onigppa nuhig nai ɠagattag qetta anana he, mana mettak danab beum? Laa iitta, amge Jesus nuhignu aakkuib Kayak Nug nukka Nug onigppa nuhig nai ɠagattag qetta, mana mettak danab daakkunu a, Nug beum daatte. Kayak Nug Jesusnu inam aum. “Naɗi Nug nukka Nug onigppa nuhig nai ɠagattag qetta, ‘Na amu mana mettak danab hanhannu daattem,’ aum amu, Nug dabmak nuhig iinab baolima.”

Hibru 7:21 ပူးပေါင်းရင်းမြစ်များ

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Hibru 5:6

Kayak naippa yaak laappa amu, Nug inam ele aum. “Na am Melkisedek bia, mana mettak danab hanhannu daattem,” awa aum.

Hibru 7:17

Am Kayak naippa nuhignu yaak daatte amubia. Nai amuam inam. “Na am Melkisedek bia, mana mettak danab hanhannu daattem.”

Hibru 7:20

Aria, Kayak Nug Jesus Nug mana mettak danab daakkunu kobol hamuppa ii tituanom daatte. Iitta! Nug nukka Nug onigppa nuhig nai ɠagattag qetta anana tituanom.

Hibru 7:23

Aria, anukka mana mettak danab kuɗum ag daaeg uɗiom. Aɗinu? Ag am danab aakkuib, ag mauhadppig amunu, ag hanhan anamib daaglagnu elele iitta.

Hibru 7:28

Amu ɗo tatamnu am danab gai-iitta tituanatte, ag mana mettak ikki danab daappig, amge nai Kayak Nug nukka Nug onigppa ɠagattag qetta aum, ɗo nai dayeye nai amu beum amu, nai amuppa Kayak Nug Bekka tituanom. Kayak Nug he, Nug Bekka amu Nug mana mettak ikki danab daakkunu elelenab ba, Nug hanhan anamib daatte.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.